((الجو الخضر))

برق الوسم · #1 02-Dec-2005, 07:51 PM

أزين من المقعاد ممشى المغابيش=وخوة رفيق يبرد الهم والجاش
قرم يفرج زايد الهم والطيش=يضحك احجاجه لو عليه الدهر هاش
من فوق من يلحق بعيد المناطيش=مافوقه الا الطير والحمل ماهناش
توه على حسن الغرض مابعد نيش=مسددن سعره عن الشيك في كاش
جمس تحكم صانعه فيه بشويش=لاطب سوق أهل الغلا سايمه طاش
ممساك جو(ن) يشرح الصدر وتعيش=لحظات من عمرك عن الهم ببلاش
تدله مع الجو الخضر وأبرق الريش=أخير من نومك على زل وفراش

ابوجراح · #2 02-Dec-2005, 08:56 PM

صــــــــــــــــــــح لسانك
لاعدمناك
يمال الغنيمه

قرم يفـرج زايـد الهـم والطيـش
يضحك احجاجه لو عليه الدهر هاش

اكيد انك مخاويلك شقرديه لام رقيبه وهاضت قريحتك بهذه القصيده العطره
لاهنت ياشوق البنت
وننتظر جديدك

ابونادر · #3 02-Dec-2005, 09:19 PM

تدله مع الجوالخضروابرق الريش=اخيرمن نومك على زل وفراش

هذا والله غرض روق وغاية الآنبساط مايحتاج

صح لسانك قصيدة مطاريش فعلا مع من ذكرت فيها

تقبل تحياتي

ابونادر

...

برق الوسم · #4 02-Dec-2005, 10:14 PM

الأخ أبونادر
ألاخ ابوجراح
صح بدنكم
شكرا على ردكم السريع وتجاوبكم الذي افتخر به واتمنى أن أكون عند حسن ضنكم

ولكم
تحياتي
أخوكم
برقـ الوسـم