نــامت معي عقرب

برق الوسم · #1 16-Sep-2006, 09:06 PM

حبايبي
والله العظيم اني صاج
نامت معي عقرب سوداء بس الله ستر
يوم الاربعاء بعد الاذن من سعادة المديره00 طلعت البر انا و2 من زملائي
ورحنا رحله للصمان نقنص طيور لانه موسم مرور الطيور المهاجره المهم
يوم جاء الليل وتعشينا ونمنا تدرون نمنا السعه كم يلا بقول

نمنا الساعه العاشره تعبانين مرررررررره المهم حطيت فراشي وسميت
وقراءة المعوذات واية الكرسي000 ونمت ومن الفجر صحينا وشبينا النار ونااااااااااااااسه
وسوينا القهوه والشاي00 وشلنا عفشنا// وجاء واحد من العيال بشيل فراشي 00وهو ينفض
شريكة حياتي البطانيه بقوه والياالعقرب اف اف اف 000سوداء الكبيره ياحافظ وهو يصيح انحاشواا
العقرب العقرب00 الحمدلله على السلامه ونقتلها قتلا شديدااااا وليلة الجمعه نمت فوق السياره 0000
وهذه سالفتي مع العقرب ودمتواااااااا سالمين
لكم حبي برق الوسم

((( الشمقمق ))) · #2 16-Sep-2006, 10:10 PM

هههههههههههههههههههههههههههههههههههههه

الحمد لله على السلامة الله يبلمهن

والله اني اكره طلعات البر بالوقت هذا

بسبت العقارب والديبان وشلة الانس حقتهم

هاه كم الصيد بس يابرق .

عندنا بالديره وسط الهيض الشايب<<يعني الوالد

طلع الاسبوع هذا صادوا بحدود الخمسين وسط .

وربي يعطيك الف عافية اخوي برق الوسم

ومشكووووور

تحياتي

برق الوسم · #3 16-Sep-2006, 10:23 PM

هههههههههههههههههههههه
والله يالشمقمق ذبحنا الحرررررررررررر
وضيغت الصيد وماصدت الا شي يفشل
وبس ردينا وماعاد انا قانص غبار وحر وخلها على ربك
معنا واحد مسوي نفسه فاهم ويعرف يصيد ويوم امسى الليل
ياخوك لو انك معنا كان تشوف لك شوفه ظلمه مررررررررررره
ومافيه قمر ولاشي والكبس خفنا يسحب بطارية السياره ثم نروح كفي
هههههههههههههههههههه
من الحمعه الصباااح فريكو للرياض 0000000000
تقبل كل الحب والتقدير لشخصك الكريم
محبك برق الوسم

((( الشمقمق ))) · #4 16-Sep-2006, 10:30 PM

ههههههههههههههههههههههههههههه

الخير فالك تعال بس وانا اخوك معزز

مكرم ماطور الكهرب والذبايح وفلت الحجاج

باي وقت . وخاصه بالشتاء اووووووووووووووووووه

عز الوناسه وسعة الصدر .

تلاحظ قلبنا الموضوع سوالف وكشتات

بران .

خخخخخخخخخخخخخخخخخخخخخخ

الا وش رايك نسوي قسم لكشتات البر

والمعاميل وعدت البر .

ههههههههههه

قوت القلوب · #5 17-Sep-2006, 02:03 AM

ياليت لو الدقتك العقربة على شان تعرف لما تاكلني الحوتة شلون

ول ماصار فيك شئ <<<<<<<< ماشاء الله تبارك الله

الحمدلله على السلامة

والحمدلله عده على خير

تعرف ربي احفظك لانك قريت ايات لو ماقريت كان الدغت والحين انت في خبر كان ههههههههههههههههههههههههههههههههههههههههههههه هه

او يمكن جات العقربة بعد ماصحيتوا من النوم ؟؟؟؟؟؟؟؟؟

يللة تعيش وتنام معاك عقربة غيرها خخخخخخخخخخخخخخخخخخخخخخخ

تعرف ليه نامت جمبك العقربة

لانك كل تهاوشني وتقول ان شاء الله تاكلك الحوتة

هالمرة عدت على الخير المرة الجاية انتبه لايجيلك ضب او حية لاقدر الله

<<<<<< بتخررعك

هههههههههههههههههههههههه

تقبل تحياتي

برق الوسم · #6 17-Sep-2006, 03:10 PM

الشمقمق
الف شكر على حضورك المميز
لاهنت/ وجعلك ذخر يابعد قلبي
وكفو والله فيك وانت راعي الواجب
لاعدمتك تقبل غلالالالالالالالالالالالالاي
محبك برق الوســــــــــــــــــــــــــــم

برق الوسم · #7 17-Sep-2006, 03:12 PM

قوت القلوب
شكرا لك على المرور ولاهنتي ويسلمووووووو يارب
وخلاص مو قايل تاكلك الحوووووووووته دمتي بخير
وسعاده دائمه وبحفظ الرحمن/ تحياتي برق الوســـم

عيون المها · #8 17-Sep-2006, 04:40 PM

الحمد الله على السلااااااااااااااااااااااااااااااامه

برق الوسم · #9 17-Sep-2006, 06:56 PM

عيون المها
الله يسلمك والف شكر لك على مرورك
الرائع بروعتك دمتي بخير يارب
تحياتي برق الوسم

يزن555 · #10 17-Sep-2006, 09:26 PM

الحمد لله على السلامة
حفظك الله بسبب قراتك القران الكريم
سبحان الله الحافظ الله
والله اني مرات طلعت للبر عام 1419هـ
جهة رماح
وبالليل رحت اتوضا لصلاة العشاء
والله العظيم انها حية المقرنه اواسمها ام جنيب
بيني وبينها يمكن اقل من متر وهي بالجهة اليسرى مني
وخلفي
يعني انتم تعرفون ام جنيب وسمها القاتل
وكذا بس الله الهمني سبحانه وتعالي ان التفت عن يساري
علما انها كانت ذيك لليله قمرا اي 15 او 16 من الشهر
المهم التفت الي هي متمدده بالقرب مني
وانا الان اكتب لكم هالقصة و جسمي في قشعريره
واتلفت تحت الطاوله خوفا ان تكون موجوده

سبحان الله كتب لي عمر جديد
المهم نزلت الموضى ((( ابريق الماء )))
ايه خليته علامة
ورحت لزملائي في الخيمة واخبرتهم بوجود حيه
وقمنا جميعا بمحاصرتها بانوار السيارات و ضربها بعصا
العفريته ولله الحمد تم القضاء عليها
انا من الخوف والرهبه قلت بكره ماشي ولو معي سياره لذهبت
تلك الليله
وقد نمت في غماره السياره وكانت ليله لاتنسى من الخوف

ومن طلعت الشمس الا زهبنا خيمتنا في الددسن ومشينا

ولله الحمد والمنه على السلامة
اخوكم يزن

برق الوسم · #11 17-Sep-2006, 09:39 PM

اخوي الغالي يزن 555
الف شكر على مرورك والله اخوك من صبح الله ماوقف الا بالرياض
من شدة الخوووف ههههههههههه والبر خطير بايام الصيف لظهور العقارب
والحنشان والحيايا الحمدلله على سلامتك وسلامتي والجميع سالمين يارب
دمت بخير ولك كل الغلا ولاهنت تقبل ودي محبك برق الوسم