الفقر ماهو لا فضا البوك والجيب؟

[الدويله]

	هذه القصيده للشاعر سعود بن قويعان اعجبنتي كثيرا وأحببت ان انقلها لكم لكي تستمتعوا في قرأتها كان الفقر يابنت الأجواد لي عيـب = تـرا المراجـل ياحسينـه غناتـي أتعب على كسب المعاريف والطيب = مرخص على شان المراجل حياتـي ولا المعيشه عايش(ن) عيشة الذيب = يومٍ(ن) يجوع ويوم يلقـى المباتـي ورزقي على اللي يعلم السر والغيب = واللي كتـب بلـوح ملـزوم ياتـي ماني بوارث مال قـارون وشعيـب = ولا ملكـت النيـل و لا الفـراتـي راس مالـي بالوفـا والمواجـيـب = وفروض ديني من صيام وصلاتـي وخوة صناديـدٍ جـزال المكاسيـب = فريس قـوم ولا تحـب الشماتـي وأفرح بضيفي مثل طي المعازيـب = كسب الجماله والكرم من صفاتـي وأدرى من المنقود وأدرى من العيب = يذهل عدوي فـي حياتـه سكاتـي وأعتز في ربعن تحـل المصاعيـب = أهل الفعول المعجـزه المرعباتـي أهل الوفا والطيب وحرش العراقيب = امطير ربعـي مرعبيـن العداتـي ربعي ليا صكـت عليـه المغاليـب = هم مسندي با اللين و بالمعسراتـي وأبفتخـر مـن دون ذم الأجانيـب = مـدام حمـران النواظـر عباتـي يابنت زارك من قصيـدي مناديـب = أبيات شعري وأحفظيهـا وصاتـي الفقر ماهو لا فضا البوك والجيب؟ = الفقـر فقـر المرجلـه يافتـاتـي. والطيب يارث من تسـد المطاليـب = تموت وتبقـى علومهـا الوافياتـي والمرجله مثل الذهـب فالمراقيـب = واللي عشقهـا ينطـح الموجباتـي ومن لا كسبها شب ما جابها الشيب! = والعمر فرصة حي قبـل المماتـي أما ذكروني مثل عذب المشاريـب = ولا أوقفوا دمع العزى فـي وفاتـي والمودمـي لابـد مابـه عذاريـب = ولا ني معـدد بالقصيـد حسناتـي لكن عطيتك عن حياتـي تجاريـب = يوم المراجل ساس ربعـي وذاتـي وصلاة ربي أعداد خـط المكاتيـب = وعـدد طيـورٍ بالسمـا حايماتـي على محمد صادق العلـم ومصيـب = رسول ولا تقبـل عليـه الزكاتـي أجمل تحية لأخي سعود بن نضاد بن قويعان

[ابو سارة]

رووووووووووووووووووووووووووووووووووووووووووووووووو وعه

شوي عليها

قممممممممممممممممممممممممه

مشكور على ذوقك


صح لسان شاعرنا

[المغترب]

الفقر ماهو لا فضا البوك والجيـب؟
الفقـر فقـر المرجلـه يافتـاتـي

صح لسان الشاعر والناقل وبصراحه ابداع الى مالا نهايه

يعطيكم العافيه