يا راعي الرمش البهيم ألمضلـي=موتي برمشك والعيون المخاديـر
لا تذبح القلـب المهيـم المولـي=بعدك يشق أقصى خفوق الأسارير
ربطت قلبـي ربطـةٍ مـا تحلـي=وشديتها لين أحكمـن المساميـر
ما مجت عن رمانة القلـب ملـي=حبك سمر رمانة القلـب تسميـر
وقام أيتوزع في خلا يـاي كلـي=دمي يضخـه للخلايـا شخاتيـر
عز الله انـك فالضميـر متعلـي=منزلـك روضٍ فايـع بالنواويـر
ليه الجفا يا مهجة الـروح قلـي=نهجك يخالف نهج كل الدساتيـر
اللي بدالي منك ما هـوب تغلـي=ما هوب كذا والله تغـل الغناديـر
يا ترفة الخفرات قربك دون لـي=وبعدك على قلبي عذاب وجثامير
أدخل على الله منك كلٍ فطن لـي=وجهي ويلحقني علوم ومخاسيـر
حتى وأنا خلف الإمـام المصلـي=تروح لك صدار قلبـي مساييـر
يا جعل ذنبي من رقبتـك يتلـي=في يوم ما تنفعك فيـه المعاذيـر
كأنك تحسب الودّ ضحك وتسلـي=شهادتك راسب وفيهـا دواويـر

المشاركة الأصلية كتبت بواسطة برق الوسم ديحاني تسلم يابعد راسي وعسا ماعندك مشكله بالتنسيق والله انك رائع باختيارك وانك احد الامرين ياما شاعر اوناقد بس انا اتوقع انك شاعر مبتدي لانك سالت بونادر سؤال يقرب الحروه والله مدري00لاكن اذا انت شاعر فتوقعاتي تقول انك رائع بس لاعدمتك //من حق شاعر هذه القصيده ان تقول اسمه من اجل ماتفسر من باب السرقه والعارف لايعرف كذا نظام المنتديات لاهنت اخوي الغالي والف شكر وتقدير لك ولاهنت تقبل كل الوووود00اخوك برق الوسم المشرف العاااااااااااااااااااااااااااااااااام