فتان وتجرح بالعيون النواعيـس

ديحاني · #1 07-Sep-2006, 04:27 PM

فتان وتجرح بالعيون النواعيـس=زين الوصوف اللي بهرني جماله
لاهي كليو بترا ولاهيب بلقيـس=غرو علـى الدنيـا قليـلٍ مثالـه
ماشفتنا مثلـه بلنـدن وباريـس=ولابديار الهنـد حطـت رحالـه
ولاحضنتها ارض مصرٍورمسيس=ولاتمشت فـي روابـي صلالـه
نجدية المربـى ولاده بلـد قيـس=مصيونة الاعراض فيها اصالـه
أهله من اللي يكسبون النواميـس=مرهي بها زينه عظيـم الجلالـه
بوغرِة لـي داعبتهـا النسانيـس=مر علـى يمنـاه ومـرِ شمالـه
ماعاد تملكني شعوره أو أحاسيس=من شاف حالي قال عزي لحالـه
رمت خفوقي في بحور الهواجيس=فتانة لي سلهمـت فـي عجالـه
بيني وبينه لو تحـط المتًاريـس=اللي خلقني ماامتنع عن وصالـه
حبي لها بليـا حـدود ومقاييـس=حبِ من الواجدان صعب ٍ زوالـه

منقول

برق الوسم · #2 07-Sep-2006, 05:20 PM

صح لسانك ولسان شاعرها
اخوووووووووي ديحاني
لاهنت وارجو ان ترفق اسم الشاعر لان الانظمه بالمنتدى ماتسمح بذالك يابعد
قلبي من باب حفظ الحقوق لاهنت اخوي ولك كل الشكر بس قلي وش المشكله عندك بالتنسيق 00تقبل تحياتي اخوووووووووووووك برق الوســــــــــــــــــم

الولهان · #3 07-Sep-2006, 06:18 PM

تسم تسلم تسلم

صح لسان الشعار والناقل

لاهنت اخوي ديحاني على الدرر الجميله

مبدع بالاختيار

ديحاني · #4 07-Sep-2006, 11:06 PM

برق الوسم لاهنت وتامر امر نذكر اسم الشاعر بس اذا كان مو موجود اسمه نسجل منقول ياغالي

اما عن التنسيق عندي فيه مشكه يطلع صدر البيت والشطر الثاني مايطلع

برق الوسم · #5 08-Sep-2006, 02:51 AM

اقتباس:

المشاركة الأصلية كتبت بواسطة ديحاني

برق الوسم لاهنت وتامر امر نذكر اسم الشاعر بس اذا كان مو موجود اسمه نسجل منقول ياغالي

اما عن التنسيق عندي فيه مشكه يطلع صدر البيت والشطر الثاني مايطلع

يابعد قلبي /// ديحاني انا ادري واعرف انها كلها اجتهاد
خدمه لنا ياالقراء وذوقك راقي واختيارك رائع جدا بس ياخوي
صار سالفه بساحات مطير على شان قصيده منقوله مدري مسروق من منتدى السهول
وروحات وجيات وازعاجات واعيدت لنفس المنتدى اللي سرقت منه وحدث احراجات واتصل
شاعر القصيده بادارة الساحات وابونادر عنده خبر//ولو يجينا شاعرها يقول ليش تنقلون قصيدتي باسم
منقول ومن قال ووو0ووو0 وانت عارف والعارف لايعرف//وحنا مانبلي يجي ادارتنا اتصالات ومن هاالقبيل
وانت يهمك القسم ونجاحه مثل مايهمني // حبيت أوضح لك وجهة النظر واللي تشوفه لاعدمتك/// تامر امر
تقبل كل ودي واعجابي باختياراتك الرائعه وجهدك المميز تحياتي برق الوســــــــــــــــــــــــــــــــــــــــــــم

ديحاني · #6 08-Sep-2006, 04:44 PM

خير يابرق ان شاء الله

العوض فالمقابيل