كـلً يـشــوف الــنـاس بـعـيـون طـبـعـه

[ديحاني]

ياقلب وش لك بالعنا والمصايب=تحب واخر حبك يصير خدعه
ياقلب لاتسمي هذولاء حبايب=لو أشعلوا لاجيت مليون شمعه
باكر تطيح وهم راس السبايب=ويصير لك بين الدواوين سمعه
ارحل ولا تثني يدين الركايب=ابعد ولا تترك لهم خط رجعه
لا تحسبني من عنا الحب هايب=تذكر شهر راحت ضحاياه سبعه
هذا يهاوشني وهذاك ذايب=كلً يشوف الناس بعيون طبعه
اخلصت من شان الهدب والذوايب=لقيت مابالحب خيره ومتعه
خلاص انا عن بعض الاشكال تايب=لو تنقطع ياقلب عشرين قطعه
تصيح تصرخ والمصير النصايب=هذا قدر ربي وحكمه وشرعه
يمكن يعوضك الزمان بعجايب=لو الزمن مابه مروه وفزعه
وش حيلتك لاجيت والحظ خايب=كل ماطلع طلعه تقفاه طلعه
ماينفع المظلوم كثر الطلايب=ان ماوقفوا في ساعة الضيق ربعه
وماينفع المشتاق رش السحايب=يكفيه من كثر العنا رش دمعه
بين الفراق وبين صفق الهبايب=بين القاء وموادعه يوم جمعه
ياقلب خلك مع هل العشق سايب=يمكن يجيلك يوم وتذوق نبعه
دنياك هذي شفت فيها الغرايب=مات وسيد القوم ظبعه
ماهو غريب أن صارت البنت نايب=الاغرب أن الوقت يقلب بسرعه
أذ كذا عن بعض الاشكال تايب=لو تنقطع ياقلب عشرين قطعه

الشاعر
كريم الرشيدي

[بندر ابن مبرد]

لله درك على الاختيار الي خرك كل ساكن


الف الف الف شكر لك قمممممممممممممممممممممممممممممه


وش اقول بعد بس

لاهنت ياغالي

[ديحاني]

ادارة المنتدى

كل الشكر على تواصلكم ونتمنى ان نوفق في نقل كل جميل وشيق

[قوت القلوب]

[ديحاني]

هلا وغلا قوت القلوب

مشكوره على اطلاعك وتواصلك

[برق الوسم]

ديحاني
ياسلاااااااااااااااااااااام
عليك ياديحاني شهادتي فيك مجروحه
والله لايهينك يابعد قلبي واعذزني على التنسيق
تسلم يالغالي ولك ودددددددددددددددددددي
المشرف العاااااااااااااااااااااااااااام

[ديحاني]

برق الوسم مسموح ياغالي وتمون

صح بدنك وهلابك