لا عاد تنشد ما بقـى عنـدي علـوم = كـل العلـوم المبطـيـات تخبـرهـا
ما جيتك اشكي ميلة الوقـت مزحـوم = نفسي ليا ضاق المدى مـا اخسرهـا
ياصاحبي كنت امس كنت امس محشوم = نفسي ليا ضاق المدى مـا اخسرهـا
خلك بعيـد ابعـد مـن العـام لليـوم = وادنى من احـلام النجـوم وقمرهـا
بعض الكـلام اللـي تحليـه مسمـوم = ومـا كـل كـف صافحتـك تغدرهـا
كـم طيـب ساقتـه الاقـدر لرخـوم = ويا كثر ناس تنخدع فـي صورهـا
والحر ما يشره علـى خنعـة البـوم = الله رفـع شانـه ووطــا قـدرهـا
لو جيتني كنك علـى الوجـه ملطـوم = بعض الخطايـا عذرهـا مـا غفرهـا
عندي تساوت هرجة العـذر واللـوم = هذيك مـا ابغاهـا وذيـك احتقرهـا
زله وعدت مـا حدتنـي عـن النـوم = مـرت سـلام وبـعـد الله كـدرهـا
انا اعتبرهـا كبـوة حصـان ويقـوم = وانـت اعتبرهـا.. زي مـا تعتبرهـا
الشاعر:مـسـاعـد الـرشـيــدي
