ويـــــــــن المـجـاريــــــــــــح

برق الوسم · #1 18-Apr-2006, 03:36 AM

حبايبي المجاريح
يسرني ان اضع متواضعتي امامكم
بامل اعجابكم مع كل الحب والشكر واحلا
ورده لكم:
محبكم برق--------------------------------------------------------------------------

وين المجاريح مثلـي ماتواسينـي=يوم العيون السهيره دمعها جـاري
يااهل الهوى كلنا طبعـا مساكينـي=نشكي سموم الهوى مع لفحة الذاري
اللي شكا الهجر واللي يشك الاثنيني=لحظة افراق الحبيب وهرجة الزاري
واللي حدوه البشر عن طمخة الزيني=ماله جدا اللي تخيلها على الطـاري
واللي ضروفه تحده يشكي البينـي=وقفة ظروف الزمان بقدرة البـاري
واللي حلف والده عنهـا بثنتينـي=امه وفرقاه مجبور(ن)بها اجببـاري
واللي حدته العجوز بطبعها الشيني=تفتل وتنقظ على الفرقاء ولاتـداري
كسر الخواطـر طبيعـه للمحبينـي=أنقل خبر للفهيم بنشـرة أخبـاري
سجل على صفحة العاشق براهينـي=موت العشاشيق للعربـان تذكـاري

الصوت · #2 18-Apr-2006, 04:58 AM

برق الوسم

بعد غيبه قصيره يعود اللينا من جديد

صح لساانك قصيده جميله جدا جدا

وانتظر المزيد /

تحياتي

بندر ابن مبرد · #3 18-Apr-2006, 05:51 AM

ياااااااسلام عليك

صح لسانك البرق لاهنت على هالجوهره

تحياتي

برق الوسم · #4 03-Sep-2006, 03:12 PM

اخوي الصوت
ادارة المنتدى
اسف ع التاخير وماعيدها
والف شكر لكم على المرور تحياتي
برق الوسم

بنت الدويله · #5 03-Sep-2006, 03:48 PM

صح الله لسانك يابرق الوسم

تجنن الابيات روووووعه

برق الوسم · #6 03-Sep-2006, 06:15 PM

اقتباس:

المشاركة الأصلية كتبت بواسطة بنت الدويله

صح الله لسانك يابرق الوسم
تجنن الابيات روووووعه

حياك بنت الدويله وتسلمي ولاهنتي
وانتي اللي تجننين والروعه والف شكر
على مررروووورك
تحياتي برق

ديحاني · #7 03-Sep-2006, 09:59 PM

بيض الله وجهك يالجزل وصح السانك مليون

بس ياليت نشوف قصايد جديد لساحل الشرقي وابونادر بحكم الميانه اللي بينكم

برق الوسم · #8 03-Sep-2006, 10:44 PM

اقتباس:

المشاركة الأصلية كتبت بواسطة ديحاني

بيض الله وجهك يالجزل وصح السانك مليون
بس ياليت نشوف قصايد جديد لساحل الشرقي وابونادر بحكم الميانه اللي بينكم

تسلم ديحاني ولاهنت يلسنايدي
والله الشاعر القدير بو نااادر
بقوله لايهمك 00وباالنسبه
لساحل الشرقي مو شاعر الا
اذا كان يخبي علي الله اعلم
تقبل كل التحايا

برق الوسم · #9 29-Jan-2007, 02:30 PM

ادارة المنتدى

لاهنت اخوي يسلمووووووووووو

كلك حنيه مدري جنيه خخخخخخخخخخخخخخخ\

تسلم ياغري محبك برق الوســــــــــــــــــــــــــــــم

رهوفه · #10 18-Feb-2007, 02:05 PM

السلام عليكم ورحمة الله وبركاته

كلامك اخي وعباراتك موجعة ومؤثرة

لانه لا يوجد شخص لم تمسه نار الهوى او كواه الهجر

لذلك اصبح موت العشاشيق تذكار

سجل على صفحة العاشق براهينـي
موت العشاشيق للعربـان تذكـاري

وين المجاريح مثلـي ماتواسينـي
يوم العيون السهيره دمعها جـاري

واللي ظروفه تحده يشكـي البينـي
وقفة ظروف الزمان بقدرة البـاري

واللي حلف والـده عنهـا بثنتينـي
امه وفرقاه مجبور(ن)بها اجببـاري

واللي جدته العجوز بطبعها الشينـي
تفتل وتنقظ على الفرقاء ولاتـداري

كسر الخواطـر طبيعـه للمحبينـي
أنقل خبر للفهيم بنشـرة أخبـاري

سلمت اخي برق وسلمت يمناك على هذه القصيدة التي ينبض كل حرف فيها بالحب والاخلاص

دمت بود

اختك رهوفه

برق الوسم · #11 20-Feb-2007, 01:02 PM

رهووووفه

يسلمو يارب على المرور

لاهنتي أختي العزيزه الف شكر لج

دمتي بكل الحب والمسرااااااااااااااااات

تحياتي برق الوســــــــــــــــــــــــــــــــــم

ابونادر · #12 20-Feb-2007, 06:53 PM

يااهل الهوى كلنا طبعـا مساكينـي=نشكي سموم الهوى مع لفحة الذاري

..

لاوالله يابو وسم ماحنا مساكين مثلك وانت كيفك تمسكن

اخوي برق الوسم .صح لسانك وعلى شانك على هالقصيدة الجزلة المؤثرة

ولكن هونها وتهون تراء بعض الحب مايسوى كل هالحزن واللواعة

ورفقا باللي قلوبهم خضراء جعلك تسلم

لك ارق التحايا

...

برق الوسم · #13 20-Feb-2007, 07:10 PM

لاوالله يابو وسم ماحنا مساكين مثلك وانت كيفك تمسكن

اخوي برق الوسم .صح لسانك وعلى شانك على هالقصيدة الجزلة المؤثرة

ولكن هونها وتهون تراء بعض الحب مايسوى كل هالحزن واللواعة

ورفقا باللي قلوبهم خضراء جعلك تسلم

ادري ياابونادر بعد قلبي

انك مو مثلنا حنا يالمساكين

لانك ماانت مجرووووووووووووح

لاكن المجاريح زي حالاتي يوافقونني الراي

تسلم ياخوووك والله يهونها على الجميع

ماديرة الممطور مثل السناوي = والا السناوي كل براق يرعيه

تحياااااااااااااااتي برق الوســــــــــــــــــــم