تو الخطاوي "ياطوال المشاوير= من صد عن"شمس الضحى" مانطحها
والزله اللي مالها "اي تبرير" = ما ترفع اصلا "هامة" اللي دمحها
البينة ماهي بحاجة لتفســـير..! = والخافيه "فحيحها" في قدحها
مايستر الـرجال "حشمة وتـقدير"= لاصار بطن "ام الكباير" فضحها
ومن كان ماله "بالليالي" مغاتير = لا يامن "سباع الخلا" لا نبحـــها
رح بلغ اللي "باع" مبداه للغير = قل "نخلة الوادي" تساقط بلـحــها
وان قال: "خير اللي حصل" قل: "حصل خير" = الارض تعطي خيرهـا من فلـحـهـا
ياحيف ياولد..الرجال المــشاهير = ياللي جدوده كل "طيب" مدحـــها
بيته عقب ماهــو "مـلاذ الـمنـاعير" = صـار "لسـرابيتٍ" تفرك سـبحـها
من يوم طاح" بماجنات الغــفاديـر" = وانا ادري"ثياب المراجل" شلحها
حذرت..لكن ..مانفع فيه تحذيــر= وبعض الاوادم "تكره" اللي نصحها
قليل دبره "مابراســه" تـــدابـير= للريح "بيبان المصايب" فتـحها
الغيث حوله وش يبي "بقاعة البيـر" = ماكـل دلوٍ ..تسقي اللي متــحها"
"حمامته" على هديل..الـمـزامــير = تلعب طرب حتى الحيا.. ماذبحها
قامت تهزع..بين "عكـف المنــاقير" = مافيه مخلب "ناشـها" مـاجـرحـها
"اسرارها" ريش غدى له..دعــاثير = حتى العمى "بين السوالف" لمـحها
نامت وحلمت انها "زوجت الـــزيـر" = ولاحدٍ مصدق..ان"سالـم" نكــحـها
ناس "فرحها" مـاللاحـزان..به طـير = وناسٍ من الاحزان "تنسـى" فــرحها
دنيا..ولا من "ربحها" إلا..المخـاسير = ولا خـاسرٍ فيها "سـوى..من ربحــها".....

غربة وطن .. وإفراق ناسٍ عزيزين = وجهي شمال .. ودمعتي وسط عيني
ولولا الكفر .. خالفت درب المصلين = وصليت يم ديارهم .. ركعتيني

ابتدت حرب المهالك .. وانتهى السلم ومجاله = وارتكب أهل الجريمه .. ابشع انواع الجريمه

ااااه ياوجدي عليهـا .. وجـد مـن ضيمـه خوالـه = ان نواهم.. "صاحت امه" وان تركهم.. "صـاح ضيمـه"
او وجود القاصر اللـي مغتصـب عمـه حلالـه = هـو يتيـم بيـن ربعـه مالـه الا اخـت يتيمـه
او وجـود النـادر اللـي ناطـح الغـاره لحالـه = ان "وقف زادوا صوابه" وان وقع صاحـن حريمـه
او وجود "الدّيـن اللـي مارتكـب جـرم وخمالـه" = بعد ما "قصـو يمينـه" اعتـرف راعـي الجريمـه
او وجـود اللـي خصيمـه فجـأه وقـف اقبالـه = جالي من وسط ربعه وأشجـع اربوعـه خصيمـه
او وجـود الطيـب اللـي تـو ماكبـروا عيالـه = بعـد ماكبـرو عيالـه صـار طيبهـم هليـمـه
او وجود اللـي يمينـه بالسلاسـل مـع شمالـه = شيخ قوم عقب عـزه عـاش حقـران وهضيمـه

غربة وطن .. وإفراق ناسٍ عزيزين = وجهي شمال .. ودمعتي وسط عيني
ولولا الكفر .. خالفت درب المصلين = وصليت يم ديارهم .. ركعتيني