شفتها ياسعود بعد ماغاب سنين=عند قسم المختبر وسط مشفى الجامعه
جيتها ثم قلت ممكن في سؤالي تسمحين=ناظرت فيني بدهشه نظره متواضعه
قالت أنته تحسبيني من بناتٍ ضايعين=تحسبني في زماني عن طريقي ضايعه
قلت أنا مراح أطول كلبوها كلمتين=وأبعدت عني شويه ثم جتني راجعه
قالت أسأل واضح أنك من رجالٍ طيبين=بس هرجك يالسنافي كان وشهو دافعه
قلت انا حبيت وحده يوم كنا صغيرين=ومن ثمان سنين راحت للمواصل قاطعه
أذكر أنه فيه حبه فوق ثغره من يمين=وأذكر أنه لاجرينا كن شعره تابعه
وأذكر أنه عاشق فالورد الياسمين=صار قلبي بالورود اللي عشقها زارعه
طابعاً أسمه بقلبي فيه سين وفيه عين=وفيه ألف وفيه دال وسط قلبي طابعه
قاطعتني بقولها سبحان رب العالمين=كررتها مره ومرتين ورابعه
قلت وشفيك وشبلاك يابنيه ترجفين=ليش عينك يابنيه من كلامي دامعه
قالت الموقف وقلبي والمحبه والحنين=كيف أشوفك بعد ماكنت عنك قانعه
قلت أنا بسألك أنكانك تذكرين= عن مواثين ثمنها من حياتي دافعه
قالت ظروف الزمان ماتطيع العاشقين=بيعوني غصب حبك لوهو ماني بايعه
أنا في دنياي حالي كنها حال السجين=حتى لو فكوا سراحه فيه شيءً مانعه
زوجوني غصب واحد وحرموني حاجتين=السعاده في زماني والحياه الرائعه
والحين انا أم لثلاثه عندي ريم وياسمين=والولد أسمه على أسمك والمشاعر جايعه
شفتها يا سعود 
رد: شفتها يا سعود 
