ياتايه الأرياء ورى فكرك يغيب=غرّيت في دنياك وأخطيت الصواب
ياشين نقص المرجله عقب المشيب=اللّي هقا بك طيب ظنّه فيك خاب
لو قالوا أنّ البندق العوجا تصيب=نـقّالها مثل الهليك مع السراب
بأي الأسامي للحميّه تستجيب=سؤال لو يحرجك في ردّ الجواب
أن طبت وإلا جعل عمرك ماتطيب=الطّيب في ربعي مطوّعة الصعاب
يجمعهم الماقف على الجدّ العريب=أليا تنادوا به قصر عنك الحساب
لا صار ماتفرق مشبّب من شبيب=يخبرك وقف السّوق بأسعار الجلاب
وأن كان صحّ القول فرخ الذّيب ذيب=باكر تنشّد عن مواريث الشباب
سلايل السّربه منزّحت الحريب=مقابس الفتنه ملايكة العذاب
أهل الفعول اللّي سعدها مايغيب=وأن ضاقت الدنيا لهم بالضيق باب
الماص مخلاص الطّليب من الطّليب=ليا مال في راس الكْتَب ثقل الزهاب
أن دارت الهيجا لنا فيها نصيب=عاداتنا بالكون تفريق الضباب
في ساعةٍ مابه حديث ولا خطيب=ناخذ بها حقّ الزكاة من النصاب

الادمي لولا المكارم والاخلاق=كالحنظله من ساسها لاورقها

الادمي لولا المكارم والاخلاق=كالحنظله من ساسها لاورقها

ياشين نقص المرجله عقب المشيب=اللي هقابك طيب ضنه فيك خاب

سلايل السّربـه منزّحـت الحريـب=مقابـس الفتنـه ملايكـة العــــــــذاب
أهل الفعول اللّـي سعدهـا مايغيـب=وأن ضاقت الدنيا لهم بالضيق بـاب

*

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]