حنا حمادينٍ لنا فعولٍ تشيب= تودع صليب الراس ياقف ويفها

[غريب الدار]

	من هاجسي عديت روس المراقيــب= واتعبت رجلي بالطريق لهدفها واخذتلي ساعه تمعن وترتـــــــيب= انقى ثمار القيل قبل اقتطفـــــها وذكرت ربعٍ من هل العز والطيـب = ربعٍ لهم فعلٍ ينومس خلفـــــها افخربهم بين العرب والاجانيــب= اللابه اللى عزها من سلفـــــــــها حنا حمادينٍ لنا فعول تشــــــــيب= تودع صليب الراي ياقف ويفـها الاد على مكملين المواجـيــــب = عزوه لها واقع وكلٍ عــــرفـــــــها ريف الضعيف عن سموم اللواهيب=وعز الرفيق ومن نزل في طرفها سقم العدا ماهي حجايا وتكذيــب = كم روس قومٍ من يدينا تلفـــــــها ملجى الدخيل اللى وراه المطاليب= يرتاح باله والهموم يحذفـــها لاجيت تاصف رجلهم كنه الذيــب = له هيبةٍ في ماقفه من صلفــها ومن حقي افخر بالجماعه بلا ريب= درعي وتاج الراس هذي وصفها ولا أذم باق الناس ماقول به عيــب= كلن له فعوله ويعرف شرفـــها وفي واجب ربوعي كتبت المكاتيب=ونفسي عن العربان مالله كلفها

[الدويله]

غريب الدار

بيض الله وجهك على هالقصيده الطيبه

ننتظر جديدك

[غريب الدار]

الاخ الدويله
ووجهك ابيض
بارك الله فيك وهذا اقل مانقدم للقبيله
ابشر فلن نبخل بمانستطيع
شطرا لك مره اخرا
اخوك
غريب الدار

[اهـــــم واحد]

هلا وغلا اخوي غريب الدار

صح لسانك وقصيدة في قمة الروعه...

نتمنى مزيد وعدم البخل علينا ....


وتقبل احترااااااااااااااااااااااااامي وتقديررررررررررررررررررررري

[غريب الدار]

هلا اخوي اهم واحد
صح بدنك وشكرا لمرورك الكريم
والاطراء الجميل
وطلبك على العين والراس
الجديد سوف يكون هنا باذن الله
مشكووووور على المرور الكريييييييييم
دمت بخير

[الدويله]

غريب الدار

اخوي تراي منت عليك شوي وعدلت بالقصيده

خخخخخخخخخخخخخخخخخخخخخخخخخخخ

من اللي يقدريعدل قصيدة شاعر بحجمك

لكن اللي صار لقيت أخطاء مطبعيه وتم تعديلها

اكرر شكري وتقديري

ننتظر المزيد

[ابو عمر]

يادليم قله هلا




هههههههههههههه

تراي امزح


صح لسانك ياحميداني

اشهد بالله انها جزله

[غريب الدار]

«®°·.¸.•°°·.¸¸.•°°·.¸.•°®»

هلا والله وغلا بخي الدويله
ماقصرت وبيض الله وجهك
واشكر لك اهتمامك
على كيفك والضاهر تبى تبقى وراي وتعدل على طول لان الاخطاء الاملائيه
بالكيلو
((عطيتك وجه ))
ههههههه
تمون يالدويله
نحن مكملين لبعض والهدف واحد
دمت بخير
واشكرك جزيل الشكر
غريب الدار

«®°·.¸.•°°·.¸¸.•°°·.¸.•°®»

[غريب الدار]

هلا اخوي حميداني
القصيده( لي)
ولذلك اردت
ان اصحح المعلومه فقط
مشكور على المرور الكريم
دمت بخير

[Guest]

صـح لسـانك يا أخ غريـب الدار

توطيـن جيّـد لحروف القصيـد ، في قبيلـة تعتبـر موطن للعـزه والإباء

تقـبّـل مروري وتحيّـاتـــــي

[غريب الدار]

مشكور على المرو اخي guest
وعلى الاطراء الجميل
دمت بخير

[ابن نمش]

صـح لسـانك يا أخ غريـب الدار
وليش ماعلمتنا انك شاعر؟
قصيده ولا اروع

[غريب الدار]

مشكور ابن نمش
على المرور الكريم
ليش ماعلمتك
الجواب
هذه اول قصيده تنزل بالمنتدى يالغالي

بعد الافتتاح مباشره تم تنزيل القصيده
واعدك واعد الاخوان بان اي جديد سيكون هنا
مشكورررررر للابد
اخوك غريب الدار