مقدمة
عندما تضمحل الخشش وتتبوتق الكشرات ( جمع مؤنث سالب لكشره) وتندرج التيارات تحت تيار العولمه المنسدحه من خلال بوصله الانحلال لصواميل صدام الددسن في سيارة الحضارات عندها تنطبح الارداة الدولية وتسلم بالطاعة لحركة الانغلاق نحو استبنه سيارة ابو جيراننا الموقر اللي بأذن الله سوف يلهمه الله الصبر والسلوان ويتنازل وينقل كفالة الشغاله المصونه ويزوجني ايها حفظها الله ذات الخمس والستين ربيعاً <<<< طرااااه ها لحتسي بس عشان اقول كم كلمة مشغليني فيهم بالجرايد من نمووونه بوتقه وطقتها ....:p

تدور احداث هذه القصة في السافن عشر من الشهر الالف والاربعمائه والسته والعشرين من سنه رجب وتحديداً في بداية ايام عيد الاضحى ...


في هذي الايام حيث الاجواء الرهيبه والخياليه حيث يكثر السياح من جميع بقاع العالم كالاوروبيين

والانجليز واهل شرق اسيا و وكل من هب ودب للاستمتاع باجواءنا الخلابه وسحرها الذي لا يقاوم

حيث من حلاة الجو وصفائه النفس تصفا وتلقى نفسك حبيت كل ذا العالم وانت تمشي كل من قابلته

تمطخ راسه بس الله يعينك عاد اذا طالعه صنته


^



^



^

ياحليل اللي صدق


اهل مكه ادرى بغبرتها



اما لو جونا كذا كان ياسلام بس الله يعوضنا بالجنه يارب

عج وغبره ولجيت تنام تحس دخل الشتاء لقمت لينك بعز القايله يعني حركات عندنا الفصول الاربعه كلها

تمرعليك بيوم واحد يمديكم على الحركه

وذا السستم يحوسنا حوسه ماهيب صاحيه يعني تلقاك طول عمرك مرشح حتى وانت بقبرك مرشح


لكن بعد مانتشر مرض انفلونزا الطيور تغير الوضع شوي لاني بقعد اوسوس كل ماعطست وبتفقد نفسي

اخاف يطلع لي ريش والا شي



يارب تحسن خاتمتي مابي اموت وانا دجاجه <= = فاهم الدعوى غلط


بس تدرون انبسط اذا رشحت وجتني الانفلونزا عشان يتغير صوتي ويصير صوت جبلي < = = تكفي يا وديع الصافي


ومايحلى الطرب الا وقت مايكون الصوت في اوج قباحته

ومن بعد ماجتني الصخونه والظاهر انها اثرت على عقلي لاني من بعدها وانا زاعجن اهلي ابي اشارك

في ستار اكاديمي ثرري خاصه بعد ماقالو ان فيه سعوديه بتشارك تحمست اكثر وزاد الحاحي لاهلي


ابي ستار

ابي اروح مع منال مدري وش سمها

بس ان كان هالجدار رد علي ردو علي لين قررت اني اغني طول الوقت عشان اكرهم عيشتهم

ويفكرون يتخلصون مني

ومن بعد ذا اليوم وبيتنا منقلب فوقه تحت وتحته فوق وماحد عطاني وجه والا التفت علي والا عبرني

يالبى قلبي يا انا

وصرت اكسر الخاطر واحتكرت اغنيه ابو خدود

وانام واصحى وطالع داخل قايم واقف جالس قاعد ماغير اردد



ودي ابكي لين مايبقى دموع


ودي اشكي لين مايبقى كلام



من جروح صارت فقلبي تنوح


ومن هموم احرمت عيني المنام


دووووووووووووووووووووووووووووووووووووس

المهم موب ذا موضوعنا موضوعي طال عمرك
ودي اخذ رايكم في المشاركين في استار اكاديمي خاصة من السعودية وخاصة اذا كانو من ابناء القبايل
انتم مع هالفكرة ولا لاء ..<<ناوي يشارك :D
وش رايكم بالبرنامج ككل ؟
طحيطي