ياهاجسي هات البيوت الجزايل =بالابه اللي تسكن بمحجر العين
ومتربعه بالقلب والشك زايل =ولها علي حقوق مِن أول وهالحين
والله لا امثلها بزين المثايل=ولعيونها لا اكتب بيوت ودواوين
شاعر واعز النفس عَن كُل مايل =ولي الفخر بمدح الرجال الميامين
يشوشَ راسي لاسمعت القبايل=تقول تلقي العز عِندَ الحمادين
اهل الكرم والجودَ واهل الفعايل=ماهُو كلام يقال تُوجدَ براهين
فرسان لا ركبوا ضهور الاصايل=من فعلهم وشيب عين المعادين
كم راس شَيخا طاح حَول النثايل=وامسي عشاءَ للذئب وسَط الميادين
وكم مِن عقيدا عقب ما كَان عايل= عودَ معيف ويشكي الهم والبين
ويكفي شَريدَ يوم سوا الهوايل=فكاك ذوده يوم جوه المغيرين
سبعه جلدهم مبتدي بالاوايل= ويقول دَون الذودَ حنا مضحين
حنا الدويله لا اقبسن الفتايل=نلهدَ كبودَ خصومنا والحسودين
لنا مواقف وللمواقف دَلايل= عادتنا لاجاءَ الوغاءَ نوفي الدين
كون الحريقه فز صدعان قايل=انا لَها وابا افَتح الريع قسمين
ناردَ حياض الموت مابه بدايل=والانعيشَ بعز وللعز ضارين
جتكم مِن اللي مايعرف الهزايل= شَاعرعرافه مِن الرجال الوفين
حنا هَل الوقفات والفعل طايل= حنا الفخر حنا الرجال السلاطين



غنام العرافه

تحيااااتي واشوااقي