راكب اللي يدني البعد مرواحه=لامشى كل البعيدات يدنني
فوقه اللي يعجب النفس لاشاحه =ارجح(ن)وهموم قلبه يجزني
لايعه هاجوس والهم مجتاحه=والرفاقه عندهم كنه الجني
يوم دقه سلف سابق لمفتاحه=وارتهج في ماقفه كنه يغني
لادعس لسليتره زاد بصياحه=المراوح والمكينه يصيحني
صوت بيض(ن)عندهن موت ونياحه= فوق رأس الشيخ قامن ينوحني
صنعة اللي يفرق السعر وأرباحه=حط في خشمه علامه لهافني
فردة اللي للعشاشيق ذباحه=لايق(ن) صاف الذهب فيه جنني
من طراز الجمس جابوه بوشاحه=كامل(ن)ومكملينه بلا مني
ياصل اللي علقو زينة افراحه=ينشده ويش السبب غيره عني
يمكن ادله عن هوى الشوق وأجراحه=وأتعوض كلمة(ن)قلت محزني
