إلى متى ونحن هكذا ..؟؟ ياحمادين مطير

[ابن جمهور]

السلام عليكم ورحمه الله وبركاته


مساكم الله بالخير وبالطيب اخواني الحمادين


في موضوع يدور في راسي وانا لاحظته هنا وبكثره
التعصب القبلي والان ليس بالقبلي بل ب ( الفخذي )
يني ارى ان اكثر شباب القبيله وليس كلهم اصبحوا متحيزون جداً لفخذهم عن القبيله وتناسوا القبيله وامجادها وبدؤوا يمجدون الفخذ فقط
وهذا المووضع حيرني جداً في اكثر المنتديات وبالاخص منتديات مطير والان في منتدى فخذي وعشيرتي وهم الحمادين اولاد علي
وانا والله ان الموضوع هذا يزعلني جداً لاني احب مطير كلها من اكبرها لاصغرها والا ابي الطريقه هذي تفكك القبيله تفكيكاً تاماً
لان لو تذكرون مطير سابقاً واللي لهم في التاريخ ان علوى وبريه كانوا يداً واحده وايضاً عبدالله لاسيما وان ديراهم بعيده اشد البعد وصعبه نزوله إلى الصمان ونجد ولاكن كانوا على يد وقلب واحد وهذا الموضوع ينومسني واكيد بينومس كل مطيري فيليت يا اخواني نغلي موضوع التعصب نهائياً لمصلحه المنتدى والمصلحه العامه انا اللي الاحظة من بعض الكتاب هنا في المنتدى او غيره من منتديات القبيله موضوعين .

بني عبدالله .. يبينون انهم اصل مطير وانهم فخذ لوحدهم وهذي المعلومه مالها من الصحه شيء لان بني عبدالله هم قسم كبير من بريه لاكنهم عندما نزلت بريه مع علوا جلسوا في الحجاز ومن كثرتهم اصبحوا قسماً لوحده
والان أرى ان هذي القصه انتست واطلقوا انهم قسم من مطير وهذا الموضوع يزعلني لانهم يريدون البعد من مطير وهذا مايسبب الحزازيات ..

اما هنا في منتدى الحمادين رأيت أيضاَ التعصب على فذ الحمادين ومن اطلق قبيله الحمادين وبعضهم نسيوا مطير لا لا ياخواني فنحن من اولاد علي من بريه من مطير ولاننسى مطير لاننا منها ونتشرف بالنسب اليها
فارجوا ممن يريد التعصب ان يجعل تعصبه لنفسه وليس هنا في المنتدى
لاننا نريد منتدى الحمادين يرتقي بالذائقه إلى الاعلى ..

في النهايه طلب صغير من مشرف المنتدى العام وصاحبه
اخي الكريم المشرف العام اريد خدمه منك وهي فتح قسم خاص لقبيله مطير
لكي نذكر تاريخ القبيله كله فنحن جزء من القبيله ولكي يستفيدوا ابناء الحمادين من هذا القسم بالتعرف على تاريخ مطير لمن جهله وليس كلهم
ففي الحمادين العارف وفيهم الجاهل وانا من الجهال واريد ان استفيد واتنومس بمطير وبتاريخها العريق فأرجوا منك التفكير بهذا القسم
وهذا فضلاَ منك وليس أمراً عليك .

وتقبل خالص تحياتي أخوك أبن جمهور ...

[عـبـد الـلـه العرافه]

بسم الله الرحمن الرحيم
شكراااااا اخوي ابن جمهور على البادره الطيبه منك ولافرق بين جميع فخوذ مطيرعموماوالحمادين خصوصا والجميع اخوه كما قال رسول الله صلى الله عليه وسلم (لافرق بين اعجمي واعرابي الابتقوىوالخ),,,,,,,,,,,,,,,,,,,,,

وشكرااااااا على البادره الطيبه منك

[ابن جمهور]

العفو اخوي عبدالله
وأشكرك على حضورك الطيب معي في الموضوع
ومافيها شك إنا اخوان لاكن انا حبيت انبه
وياليت اخوي المشرف العام يرد على الطلب
ولكم اخلص التحايا اخوكم ابن جمهور ...

[ســـيـــ الحميداني ـــوف]

ابن جمهور

ماشاءالله عليك

حنا نفخر بمطير ونفخر بالحمادين بس مو معناه ان متعصبين للحمادين ونسينا مطير

يااخوى مطير شجرة الكل يستظل بظلها يعنى حنا يافروعها ببننفصل منها؟

ومطير فعولها وامجادها وااايد

وعساهم دوم جذى

[منابع الطيب]

ابن جمهور

ربي يعطيك العافيه ع الطرح الجميل والراائع

بصدق وبدون مجاملة كلامك كله بمحله حتى ما قلته عن بني عبد الله اعتقد

الكثير يجهله آو لا يعترف فيه !! لكن الراجح انه هو الصواب وفيه أدله تشير إلا ذالك ..

بخصوص التعصب لدى البعض والله عاد هذي مشكله وبصراحة يوجد عدم

مصداقية بكثير من الأمور ..

ما يخص قسم خاص لقبيلة مطير وجهة نظر محقه ومعك فيها..

لكن عزيزي بكل أمانه يجب أولاً أن نهتم ونذكر تاريخ الحمادين وهذه مهمة

من عنده الاطلاع الكامل والمصداقية التامة ..

والف شكر ع هذا الشعور النبيل اتجاه قبيلتك

تحياتي

[ابن جمهور]

اختي سيوف .. أشكرك على التواجد الجميل
اولاً ما احد أصابك بالتعصب انتي بالذات انا خصيت بعض الكتاب ولم اطلقها على المنتدى كامل وهذا لايشكك فيكم وفي اخلاصكم لقبيلتكم بل انا اذكر البعض من نسى القبيله
ان لايناسها لانها مصدر للفخر ومصدر للعز وفي كلامي لك لا اقصد الجميع بل قلت بعض الكتاب

وفي الختام هذه وجهت نضري واصر على الاحتفاض بها
ولاكم خالص تحياتي اخوكم ابن جمهور ...

[ابن جمهور]

اشكرك اخوي منابع الطيب على المرور المميز جداً
وكم أفتخر بموجود رجل مثلك هنا في المنتدى
وعن موضوع القسم اخوي لاشك ان المنتدى يختص بخذ الحمادين وانت في كلامك تقول ان نهتم بتريخ الحمادين اخي لامانع من ان نهتم بتاريخ الحمادين ومطير لاني أرى قسم لجميع القبائل وقسم للالعاب وقسم للصور فهل تفضلون هذه الاقسام على قسم لقبيله عريقه وهي مطير ولاسيما وانها قبيلتكم اللي حبها موجود في دم كل عضو من اعضاء المنتدى فيليت تفيدوني بالقسم هذا والله الموفق

تقبلوا فائق إحترامي اخوكم ابن جمهور ...

[ابونادر]

حياك الله يابن جمهور ويعطيك العافية على غيرتك توحيد القبيلة

ولو ان هذا صعب خاصة في هالوقت بالذات

واكتفي برد الاخ نائب الادارة منابع الطيب



تحيااااااتي

[بـــنـــتـــاجـــون]

اخووي ابن جـــمــهور كلامك واضح وانا معك في اللي قلته كله
وخاصه ان فيه بعض الاقلام موجوده هناا تكتب بتعصب للفخذ الذي ينتمي اليه

تقبل مرووووري

أخووك بنتاااجوون

أ

[ســـيـــ الحميداني ـــوف]

المشاركة الأصلية كتبت بواسطة ابن جمهور

اختي سيوف .. أشكرك على التواجد الجميل
اولاً ما احد أصابك بالتعصب انتي بالذات انا خصيت بعض الكتاب ولم اطلقها على المنتدى كامل وهذا لايشكك فيكم وفي اخلاصكم لقبيلتكم بل انا اذكر البعض من نسى القبيله
ان لايناسها لانها مصدر للفخر ومصدر للعز وفي كلامي لك لا اقصد الجميع بل قلت بعض الكتاب

وفي الختام هذه وجهت نضري واصر على الاحتفاض بها
ولاكم خالص تحياتي اخوكم ابن جمهور ...

حيااك اخوى بن جمهور
اخوى الفاضل انا ماكتبت ردى لانى انا المقصودة

لااناكتبت ردى على الموضوع كاكل:)

والمنتدى فيهم خير وبركه يمكن احنا نزيغ بالحمادين شوى(نتيمدح فيهم)بس مااظن بننسى المطران

مافيه خير اللى ينسى اصله وفصله

[جدتهم ومنقدتهم]

	ابن جمهور كفيت ووفيت ومابعد كلامك كلام .. والحمادين لايمكن انهم يمجدون انفسهم على حساب شجرتهم ومطير اساس كل فخر وكل فخر للحمادين هو فخر لمطير عامه والعكس كل فخر لمطير هو للحمادين .. والعبادل وبريه وعلوى كلهم فخر لمطير وفخر للجميع دوك ورده

[ابـــوحـــــور]

والله كلامك في محله منابي هذا من فخذ فلان او فلان نبي حنا حمادين ونرجع اولاد علي هذ الي نبيه

[القصّيـم]

انا بصراحه اشوف ان العنصريه(المهايط) مافيه شي شوفوا منتديات القبايل الثانيه قوة هياط ......

حنا يالحمادين ليا مدحنا انفسنا اشغلونا مالها داعي العنصريه والقبيله

ياخي من عز نفسه ورفع شأن قبيلته مافيها شي


وجهة نظري الخاصه مالكم دخل فيها

[راعي الجويخه]

	يعطيكـ العافيه اخوي ابن جمهور على الموضوع ,,, كلامكـ كلـه صـحيـح ,, بس منو تعلمـ ,, :: انا بصراحه اشوف ان العنصريه(المهايط) مافيه شي شوفوا منتديات القبايل الثانيه قوة هياط ...... حنا يالحمادين ليا مدحنا انفسنا اشغلونا مالها داعي العنصريه والقبيله ياخي من عز نفسه ورفع شأن قبيلته مافيها شي وجهة نظري الخاصه مالكم دخل فيها الله ياوجهة النظر عآد ,,, مهآيط على نفسكـ يالحبيب

[فشفاش منحاش]

المهايطة

كلمة استحدثها واصبح يرددها من لامجد له او من قبيلته متدنية المستوى

او لا ترتقي لمستوى القبائل الاصيلة

المهايطة ( بالزمن الحالي ) = الفخر ( بالزمن السابق )

فقد كانت العرب تفاخر بانسابها وامجادها ولكن المفاخرة تكون في مواقف بطولية

كذلك يجب الا يكون الفخر على حساب الاخرين او التقليل منهم لان هذا الاسلوب

ليس من شيم الرجال الشهماء

كلمة من محب للحمادين