ابدي بذكر الله قبل التعابير = تكوّنت كل الخلائق باموره
وسلام وتحيه وبعده مسى الخير= بالحفله اللي بالكرام محضوره
والصدر جاش وشاش كنه على زير= والشعر في صدري تحرك بثوره
ويازين صوغ القاف في حفلة مطير = كلٍ يعبر ماجرى عن شعوره
في ديرة الدوشان رًبعٍ مشاهير = أهل الامارة والنماره نموره
دعى له اللي مايحسب المخاسير = حرٍ ظهور الفجر يشبه ظهوره
شومن لمثلة يالبنات الغنادير = ومن لاتشوم لمن سواه معثوره
وتجاوبوا معه العيال المناعير = كلٍ على الصولات ساهم بدوره
افخر وأماري بالوجيه المسافير = ياعز راسي في نهار الضروره
وأشوش في شوف الزيان المغاتير = على الطبيعة ماتفرج بصوره
متراوحه خلفاتها والمعاشير = مناظرٍ فيها العجب والسروره
ليا شفتها يفز قلبي كما الطير = يبغى يطير وقاضباته وكوره
ومن لاتولع بالبكار المصاغير = اضن واحكم مابكبده مروره
ياماحلى مقهورها بالعثامير = لياخضها الوسمي وزمت قفوره
ثم اختلط نبته وجاله نواوير =والله ما أغبط اللي يشيد قصوره
تمت وصلى الله على هادي الخير = محمد اللي نور الناس نوره

من طيب الاشعار نقيت الاشعار=ونقحتها لأجل الرجال الصواريم
اللي لهم بين الرياجيل مقدار= ويبيضون الوجه وقت اللوازيم
قوم بنوا للمعرفه بيت وجدار = ثم اعلنوا عن حفلهم بالتعاميم
ميقافهم في حفلهم موقف احرار = مولمين الطيب فالحفل توليم
جاني خبر ميقافهم عبر الاخبار= وقررت اشارك به علي الملازيم
وعنيت له متحمل كل الاخطار= ومن المدينه حاكم القاف تحكيم
والحين بعد القاف صمم له شعار = من حقكم انظم القاف تنظيم
بأبدأ بمدح اميرنا عهد وإقرار = واوفيه حقه في جميع المفاهيم
وشلون مانمدحك ياشامخ الدار = وانته لنا قايد قيادات وزعيم
انت الدويش الفيصلي نسل الاحرار = اللي لهم في صفحة المجد ترسيم
اللي لهم وقت المعارك والاشرار = وقت السيوف المرهفه والمحازيم
في وسط نجد مسيطرين تسيطار = وفي ديرة الصمان عاشوا زواعيم
يوم السيوف الها مع الادمي كار = عاش الدويش محرم الذل تحريم
كم راس صنديد بتصويبته طار= وخلاه وجبه للطيور الحواويم
ومن عقبه الدوشان نار على نار = ياصعبهم على العدا والخواصيم
محدٍ يروحلهم يبي ياخذ الثار = الا ويفرم خشمه الشين تفريم
ومن هو يبي منهم غنايم وتذكار = يصير معهم ضمن حزب الغوانيم
قريبهم عاش الوناسات تكرار = وعدوهم ذاق النكادات والضيم
بقيادة الفيصل تحت حكم الاقدار = عاشوا مطير وفخرهم معهم مقيم
ديارهم بين العرب اكثر ديار = وبفعولهم سووا للارقام تحطيم
واليوم في وقت المخايل والامطار = والبل جايلهن حنين وترازيم
والعفر بين صغار فالزين وكبار = ومنعمات كلبوهن مراديم
في زينهن كل المخاليق تحتار = الله مصممهن عجيب التصاميم
حطوا لها المطران محفل ومقرار= وعطوا هل البل من خيار المقاسيم
اللي ركب باسبابهن جيب فكس ار = يوم ان غيره ماحصله ملاليم
واللي يعرض معه قعدان وبكار = والزين واضع له علامة وترقيم
في ظل قادتنا طويلين الاشبار = اللي لهم قيمة نهار التقاييم
ال السعود اهل الفعايل والاذكار = اهل العلوم الغانمة والتناعيم
وختامها صلوا على سيد الابرار = اعداد حبات المطر حزة الغيم

اصبحت في الصمان وامسيت مفتون = بارض هواها غير وشيوخها غير
دار سماها مزون ورمالها مزون = فيها اختلط مزن السماء بالمغاتير
والخافق اللي من غلا مطير مشحون = ماهو بمليوم ليا مجد مطير
ربي وانا فيهم فخور وممنون = افخر واقول لهم مساء النور والخير
وبالله ياهل الوضح تكفون تكفون = داروا عليهن دوبكم يامناعير
هذب طرب هذي فخر متعه عيون =وفيما مضى مجد الشيوخ المشاهير
وضح تلاصف كنها لول مكنون = يهتال منها راجح العقل ويحير
هذي نجوم الارض من مبتدا الكون = يوم السماء وسطه نجوم مزابير
بالله لدوا بالنظر وش تشوفون ؟ = ولف وجمال وسبق وسط الطوابير
وضح ترد الروح وتهيض شجون = منها يغارن البني الغنادير
وياعاذلين القلب مهما تقولون = في حبهن مااسمع لعذال ومشير
ومن قال لي مجنون قلت ايه مجنون = جنون طيب ووش تبي؟ خير ياطير!
وياداعمين مزاين الابل تعيشون = سهلتوا الصعبة بخشم الدنانير
وجميع من ساهم وقدم لهم عون = شكراً لهم واشكر حضور الجماهير
وعاش الوطن بامان وابليس ملعون = الدار مانرضى عليه أي تقصير

حفل تكريم الشعراء

قام شيخ القبيلة الشيخ فيصل بن بندر الدويش بتوزيع الدروع الى عدد من الشعراء ومن ساهموا في نجاح الأحتفال وهم :
1 - الشاعر زيد بن سلمي العظيله .
2 - الشاعر تركي بن عطالله الميزاني .
3 - الدكتور خلف بن عبدالله الشاطري .
4 - الشاعر عبدالله بن رافع الشاطري .
5 - الراوي عامر بن صلهام الشاطري .

توزيع الدروع على الأعلاميين

قام شيخ القبيلة الشيخ فيصل بن بندر الدويش بتكريم الأعلاميين المساهمين في التغطية الأعلامية للمهرجان والمزاين وهم :
1 - الإعلامي عبدالله بن حمير القحطاني .
2 - الأعلامي حمد مسمار السحيمي واستلمها نيابة عنه أحمد السحيمي .
3 - الإعلامي الحميدي المريبيط واستلمها نيابة عنه عبدالعزيز الحريّص .
4 -الإعلامي فهد الثبيتي .
5 -الإعلامي زيد بن غيام ( إذاعة الكويت ) .
6 - الإعلامي محمد الميموني واستلمها نيابة عنه محمد الشــلاّحي .
7 - الإعلامي سلطان الطريف .
8 -الإعلامي فريح بن فارس العقيلي .
9 - الإعلامي سعد بن يوسف الحميداني .
10- الإعلامي منصور بن مروي الشاطري .
11- الإعلامي عبد الرحمن المهلكي .
12- الإعلامي محمد بن عوض الأحيمر .
13- محمد بن عون الله الشــلاّحي .

توزيع دروع الشكر والهدايا

بعد ذلك قدّم منسق موقع قبيلة مطير على الأنترنت ( محمد الشـــلاّحي ) درعاً الموقع الى شيخ القبيلة .

ثم قدّم الأستاذ مطلق بن معتق المحنى العوني هدية عبارة عن صندوق عود فاخر الى كل من :
- الشيخ فيصل بن بندر الدويش .
- الشيخ فيصل بن الحميدي الدويش .

ثم قدم الأستاذ متعب بن عاصم درعاً وقصيدة الى الفائز الأول الأستاذ فواز الميموني .

القصائد المنبرية

رغم انه لم يكن هناك متسع للقصائد المنبرية الا انه قدمت قصائد في المناسبة لكل من :
1 - الشاعر محمد بن عوض الأحيمر .
2 - الشاعر محمد سرور المطيري .
3 - الشاعر عطا الله باخت الهجله .

الأمسية الشعرية الأولى
قدم عدد من الشعراء البارزين أمسية شعرية متميزه وهم :
1 - الشاعر لافي بن ضيف الله الصيده .
2 - الشاعر محمد بن سعد الرحيمي .
3 - الشاعر علي الريّض .
4 - الشاعر بندر بن بطيحان .

ادار الأمسة محمد الشلاّحي .

بعد ذلك تناول الجميع وجبة العشاء .


الأمسية الشعرية الثانية
قدم عدد من الشعراء أمسية شعرية جميله وهم :
1 - الشاعر محمد بن سعد الهجله .
2 - الشاعر سعود بن رشيد القت .
3 - الشاعر بندر بن بطيحان .
4 -الشاعر والكاتب الصحفي زيد بن غيام .
ادار الأمسية محمد الشـــلاّحي .