حمادينٍ مسمين الدويله حبشان فالح

غريب الدار · #1 31-Mar-2005, 09:15 PM

السلام عليكم
انقل لكم قصيده للشاعر \\\حبشان بن فالح ابن محمد ابن حبشان

يقول اللى بدا باول كلامه= على محمد صلاته مع سلامه
بعدها ياهجوس الشعر هاتي = مفاريدٍ تشوق بانتضامه
نويت اسرج مهار القوافي= انا الخيال وفكاري لجامه
اذا عدت فعايل كل طيب = نجي في ذروة المجد وسنامه
حمادينٍ مسمين الدويله= لنا بصمه وعنوان وعلامه
لنا امجادٍ مع العربان تذكر =يجدده الزمن عامه زعامه
ولنا وجه يزبن من دخلبه = يريح البال ثم يهنى منامه
واليا عمست بالاريا كل رايه=وظاق الملتجى شرقه وشامه
ندخل (عق ) حنا وحماها= الى منه هباء راعي رخامه
ولانرحل اليا جتنى النذاير = نسوق ابها السلف وايا الجهامه
منازلنا الخطر في كل ساعه= ماردَينا بلباس العمامه
والىمن ساق جمعٍ والتقينا =وطار الستر عن راع اللثامه
وصاح الصايح وذب العزاوي =سهوم الموت ربعي ياسهامه
مرويت السيوف الحدب حنا= نعش الذيب وطيور العدامه
لنا الذود ولنا الخيل الاصيله=لنا الجوخ ولنا الدرع وحسامه
فعايلكم عظيمه ياربوعي =يوم ان الخبل يبلش في طعامه
مدلهت الغريب ليا نصانا = بنا ينسى خواله مع عمامه
ولاني بهاضم حقوق النشاما=وكل له على قدره مقامه
وانا شاعر وافاخر في جدودي=جدودٍ يستحقون الزعامه
اخير الناس في وقت الجهايل = واخير الناس بالدين استقامه

[/poem][/poem]

لكم اجمل تحيه من غريب الدار

الدويله · #2 01-Apr-2005, 02:09 AM

اخوي غريب الدار

الله يبيض وجهك يالغالي

دوووووووووووم نقلك طيب

الله يجعلك ذخر للمنتدى

لي الفخر · #3 01-Apr-2005, 09:56 AM

صح لسان الشــــــــــــاعر ولا شلت يداك يا غريب الدار ,,فاأناملك لا تكتب إلا ما هوا أروع فأبدع تتابع ,,

وانت يا الدويلــــــــــــه من يعطـــــــــــــــي برائيه فشهادتك تســــــــــاوي أبداعنا فمدنا بكرمك والرازق الله ,,,

يعطيكم العـــــــــــــــــــــــــافيه ،،،،،،

غريب الدار · #4 01-Apr-2005, 01:41 PM

هلا اخوي الدويله
الاجمل مرورك \\\حمادينٍ مسمين الدويله
ومشكور على الاطراء الجميل
دمت بخير

غريب الدار · #5 01-Apr-2005, 01:42 PM

لى الفخر
مشكور على مرورك الكريم واطراءك الجميل
وسلمت ودمت يالغالي
وفقك الله

ابن نمش · #6 02-Apr-2005, 04:15 AM

غريب الدار
حمادينٍ مسمين الدويله
لنا بصمه وعنوان وعلامه
شكرا على القصيده الرائعه
ويعطيك العافيه

غريب الدار · #7 03-Apr-2005, 03:19 PM

ابن نمش مشكور على المرور الجميل
القصيده للشاعر \ حبشان ابن فالح ابن حبشان
دمت بخير

برق الوسم · #8 08-Sep-2007, 02:26 AM

غريب الدار

مشكور اخوي لاهنت

والله يرحم الدويله هل التاريخ والفعول الغانمه

ويعز الباقين تحياتي برق الوســـــــــــــــــــــــــم

ابن ربضان الحميداني · #9 08-Sep-2007, 08:00 AM

صح الله لسانك ولاهنت

قصيدة في منتهى الروعة والابداع

ابونادر · #10 08-Sep-2007, 05:02 PM

غريب الدر

تسلم على النقل وصح لسان حبشان على القصيدة الجزلة

ونعم في ربعه الحمادين وفي وجميع القبايل الاخرى

كل ديرة فيها حقها من رجالها

تحيااااااااااااتي

..

**البرنس** · #11 08-Nov-2007, 10:02 PM

كفوووو ا والله يا ابن حبشااان
وياليت تجيب قصايد ثانيه

منابع الطيب · #12 09-Nov-2007, 07:06 AM

ونعم في الحمادين كلهم

وفي كل الطيبين

صح السان قايلها وناقلها

تحياتي

منابع الطيب

القصّيـم · #13 30-Dec-2007, 01:49 PM

صح لسانه والحمادين كفوا

فجر الحمادين · #14 24-Jan-2008, 09:01 PM

تسلم اخوي ع النقل الجميل
صح لسانك