سـلام ياشيـخٍ نعـزه ونغلـيـه=يامن بنا بالطيب صـرحٍ رقابـه
يامن تكن النـاس حـب لمعاليـه=ياعنك ما احدٍ شال كـره لجنابـه
بعض العرب ينحب لوهو بطاريه=ومن حبه الله زاد فيـه الحبابـه
سر ياقلم واكتب من الشعر صافيه=علي فتله وانـت خـط الكتابـه
الشعر في مثله تشـرف قوافيـه=ويسمو به المعنى شموخ ومهابـه
اصخـر ابياتـه ومـالاق انقيـه=بنات فكري هاضهـن ماطرابـه
شعرٍ على فعـلٍ مثبـت يزكيـه=يجزل به المعنى ويحفـظ جوابـه
للي عسا فجعات الايـام تخطيـه=ولعـل وحهـه ماتجيـه الكابـه
للشيخ عبدالمحسن ومعهن اهديـه=منـي تحيـات الوفـا والرحابـه
شيخٍ رقا روس العلا بفعل اياديـه=متمثـلٍ منهـاج ابـوه ومشابـه
ماجات بالساهـل ولا بالمشاريـه=الا بعلم .اخلاص.جد. وصلابـه
اتويجريـاً ماتخونـه مجانـيـه=اتويجرياً سـاس عـزوه ولابـه
اتويجري لاقال قـولٍ وفـا فيـه=لو حال موته دون عهـده وفابـه
لو ودعوه المـاء امانـه لراعيـه=وهو في مقاطع قيظ يزمي سرابه
والله اليا صل والامانـه باياديـه=ولا دريكٍ ما اهتنا فـي شرابـه
واللي يبا يزعل يطبـق مباديه==ـبثلاث مـا والله عليهـن تشابـه
الديـن والحاكـم علـى مايوليـه=وامانةٍ لجـل الوطـن باحتسابـه
اللي سواتك يرفع الراس طاريـه=فعلٍ يخلده الشـرف فـي كتابـه
اسمٍ اليـا مـر المسامـع تحييـه=وذكرٍ يعطـر مجلـسٍ ينحكابـه
خيرٍ على اللي نية الخير تدعيـه=وشرٍ على خصمه نهار المجابـه
عسا الولي يمـد عمـره ويبقيـه=ذخراً لنا لاكشر الوقـت نابـه
واخوه عبدالله سند مـن يخاويـه=ليثٍ صعيبـات المواقـف تهابـه
وافي وكلن بالمواجيـب مرضيـه=من جاه حصل مطلبـه واعتنابـه
ومحمد بليهـان ماخـاب راجيـه=الطيب راسه والمراجـل زهابـه
سعد الرفيق اليا انتخا واحتزم فيه=راع الكرم والقلب طهر السحابـه
وحمد لعل العين تبطـي ماتبكيـه=طلق الحجاج وتحتويـه الذرابـه
نعم العضيد وعز منهـو يراكيـه=كم من صعيبٍ هان ساعة مضابه
واخوه خالد سيف عـزٍ يباريـه=سيفٍ اتعدي سلته عـن نصابـه
حرٍ تباشير السعد فـي حراويـه=يفرح به اللي نوخت بـه اركابـه
الله على حمـل الامانـه يقويـه=ويجمله فـي كـل دربٍ سعابـه
وعبدالسلام الطيب والخلق موفيـه=وكـل الامـور الوافيـه تنهقابـه
حلحيل فكاك النشب ليا انتخوا فيه=له فزعةٍ تشفي الدمي من صوابه
شوخٍ خذوا من الطيب اسما معانيه=فرق الشكل والا الطبايـع تشابـه
الله يرحم مـن تحلـوا مماشيـه=تنهج مناهيجه وتحسـب حسابـه
رحل من الدنيا ولا راح طاريـه=ذكرٍ يخلـد سيرتـه فـي غيابـه
يالله عسا عفوك ورحمتك تكسيـه=ياموعـدٍ كـف الدعـا بالاجابـه
مامات منهو صفحة الطيب ماضيه=ولامات من عقب خلافـه ذيابـه

سر ياقلم واكتب من الشعر صافيه=علي فتله وانـت خـط الكتابـه
الشعر في مثله تشـرف قوافيـه=ويسمو به المعنى شموخ ومهابـه
اصخـر ابياتـه ومـالاق انقيـه=بنات فكري هاضهـن ماطرابـه

*