يقول المثل ماخاب من ذل ياغزاي=عليه الليال السود تحسن عواقبها
وانا بتشجع وانطح الضد في مسراي= تولم وشد الحيل دلتك شاربها
بغيتك تحل المشكله صرت الد اعداي=على كل طاروقن تجاري هبايبها
هذا وانت شاعر والقصيده على مبداي=نسجت الغرام بداخل البيت جاكبها
بغيت الحلول العاجله وانت يامنصاي=تهربت عن شيلة لحنها معذربها
تهاونت فيها مادريت اني الهجاي=بيوتي انيشنها واسدد مضاربها
عسى الله يعينك شد حيلك لقانا جاي=ابا قص حفتها تجود بغاربها
وانا خابر(ن )فيك العناد وصلابة راي=لكن الامور الاوله دارلولبها

تسمعت منك اغناك وانت استمع لغناي=بيوت القصيده كل ماجتك غيبها
يقول المثل من ذل ماينطح الغزاي=يمر الشجا ع ام السبيب ويروح بها
وانا عن اهجى ربعي وقفت وقصرت اخطاي=اقدر الحى ربعي وقدر شواربها
ولاني بيم ارضاك دامك تركت ارضاي=طيور على نور السراج اتجنبها
وانا بنصحك قدام لومي عليك اوماي=اطشك على روس الحيايا وعقاربها
على شان شغلك يامحمد كما الحصاي=يجمع من اطراف المريوه وجاك ابها
اشوفك على درب القواصيد رايح جاي=تهقويت بالشعار والنفس متعبها
انا لو افكر فيك حطيتك بمخباي=مثل سبحة(ن)بيدين خالك يلاعبها
ولكن تريح يالبناخي وفول شاي=مناصب كبار القوم لاعاد تقربها

*