ابتدي باسم الولي واقول يا رحماني=اتهديني ولحسين القول اجيب اعذابه
يا سلام الله على فعل اثار اشجاني=هيض فوادي بقول يطرب اللعابه
جبتها يومنها جتني على النيشاني=الثنا والشكر فيها عن مطير نيابه
تنشر البيضا لبو بندر وابو سلطاني=من صناديد ذيابه من عيال عتابه
وتنشر البيضا وترفع لحمد القحطاني=الشريف اللي على اسمه واطهر من ثيابه
رجع الشيخان وال الدم والاعياني=قال ماني معطين حقي ماهي بطلابه
[وحدد القصاص في موعدووقته حاني=باقي السياف يحضر سلته ونصابه
واظلمت شمس الحفر واستنفر المطراني=والده باقي له شويه يشق ثيابه
وروحوا يمه ثلاثتهم ومعهم لاني=ثم هداه الله لهم والمال له طلابه
لو طلب خمسة عشر مليون انا فرحاني=دام لي ربعن تسوق المال له صبابه
ادفعوه مطير ماكمل اسبوعن ثاني=لابتي وافخربها ياوي والله لابه
نفتخر في مثل ابن غاطي رفيع الشاني=مدته خمسة ملايين وضع بحسابه
والشكر موصول لمقرن وله عرفاني=يحفظه ربي ويرحم راس عودن جابه
حلق بطيارته ثم جاك يمه عاني=صاد مع تحليقته حر الفضا وعقابه
جعل ربي يحفظ الحكام للاوطاني=هم عمود البيت ورواقه وهم اطنابه
ولاتناسا مثل وقفة زيد بن عبلاني=كل مجهود باسباب الله وثم اسبابه
ذي مشاعر صادقه من شاعر حميداني=والثناوالشكر فيهاعن مطير نيابه
تمت وصلو علىسيد ولد عدناني=النبي المقتدى به والعفو وصابه

الادمي لولا المكارم والاخلاق=كالحنظله من ساسها لاورقها

لاننــا نـتـقــــن الـصمـت حـمـلـــونــا وزر النــــوايـــا