انا شف بالي خاطري يمها ينقاد=على رونق اعذب لحن للعشـق اغنيبـه
سقى الله ماض الوقـت مافيـه للحسـاد=مناديـب شـر تقطـع الخيـر وتعيبـه
ليا جيـت يمـه هاويـن مهتـوي وراد=غريق(ن)ابحر(ن)ماتنـجـي مقاضيـبـه
شفوق(ن)على شوفه حريص (ن)من النقاد=يـرد الرضـى للـروح ساعـة اهليبـه
ليال السمر معها علـى سابـق الميعـاد=طـوت صفحـة الايـام هنـدام ترتيبـه
تبدل صفى الايـام فـي ضدهـا لاعـاد=على غفلة(ن)مني نوى الشـوق تغريبـه
وجودي عليها وجد مـن وثقـوه اقيـاد=صـدر حكـم تعزيـره وربعـه تفاديبـه
تحرى الفرج والياس في السجن جوه ساد=تخيـل اليـا قـادوه والعبـد يوميـبـه
وانا يابوعادل كل ماجيـت ابـا اسـلازاد=غلاهاعسى الله يحسـن الظـن ويجيبـه
تحريت منه الوصـل لاعـاد مـن نشـاد=عسـى الله يعيـن اللـي تحـرى مناديبـه
امن اسبابها فكـري اليـا نامـو العَبـاد=تجيه الهجوس اللي مع الليـل تسريبـه
اداوالنظر في صدة(ن)عنـه ميـر اكـاد=اجدد جروحـي واخـر العمـر لاهيبـه