السلام عليكم ورحمة
الله وبركاته
يالله ياخلاق من كل الامه = رب العباد ولايضيع وديعه
يالي تغيث الارض من مدلهمه=يملا الفياض وتزدهرمن ربيعه
طالبك ياالمعبود شملي تلمه=يومن مالي غير جودك واطيعه
وابنصح الي له علومن مطمه=سوالفه لايبتدعها بديعه
يسمع كلامي كان يقدر يضمه=كانه يحب اهل العلوم الرفيعه
واحرص على رمي الهدف لاتزمه=ولا تسرع بالعلوم السريعه
لاصار كل مسولفن تاتخمه=وتالي علومك من علوم الشنيعه
رجال راعي طيب محدن يذمه=والي يذمه حسد محدن يطيعه
ورجلن يسرك لاتعنيت يمه= ورجلن بنازل سوق ودك تبيعه
ورجلن تقول
الله يخليه لمه= ماينذكر بالطيبه والصنيعه
ورجلن ماينفع لو تجيه بمهمه= لاتحتزم به لو تضيق الوسيعه
ورجلن ماينفع لا بخاله وعمه= وليا جهرته قال عنده وديعه
هذاك مايحزنك حزنه وغمه=لاصار مال الطيب عنده ذريعه
واعرف ترا وصف الرياجيل يمه=لوضعت باول يوم دلك تبيعه
ولاصدر العطشان والبير جمه=لاصار عده والسواني تطيعه
وكلن يفصل ملبسه قد كمه=ومن لا عطاه الوقت ولايطيعه
نسئل
الله القدير ان يرجعه سالمن معافى الى بلده علمن بأن ابو عبدالله في رحله علاج في امريكا
kr] ,kwdpi gahuv hg;fdv:lpl] fk qdt hggi v,dg
