القلب ياماطر له أيام ملتاع=يصبح مضيع بين ذيه وهاذي
والعين تسهر والمخاليق هجاع=دمع"يجي منها سواة الرذاذي
بأبسباب من زود على أخوك الأوجاع=والتهلكه مايقتفيها نقاذي
صد وتركني ضارب أخماس بأرباع=صدق بي علوم الرخوم المواذي
الي حصايدهم مثل حصد زراع=ناس" على غير التقدي تهاذي
والمشكله قلبي للأحباب مرباع=لكن حبي راح فيهم نفاذي
جيتك وأنا خابرك ياطيب الناع=وفزعتك ماعنها مصد وملاذي

حي الكتاب اللي له القلب ينصاع=قاف جديد وصعب جاني على اذي
مدري صحيح فيه يشكي من اوجاع =والا يبي قافي يدور لواذي
ماني بخابر فيك من شين الاطباع=وشعري حصانن تو راعيه غاذي
انا خياله دام يمشي بالاسناع=ولحافره يلقى من الناس حاذي
ولا تصير ياناشي لمن صد تباع=خله يروح ولاتجيك الهواذي
حتى لون عيونها خرس ووساع=القلب خله يالصخيني فولاذي
ثم استعن بالله ولاتصير مطواع =الرجل لاجاه اللعين استعاذي
هذي علاج لحب زينات الاتلاع=و هذا قراري صدره باتخاذي
وان جات للمدات نوفي لك الصاع=وان جات بالهدات راحم جذاذي
أشر علي بأصبعك أجيك في ساع=ماأسمح يجي في عين شرواك قاذي

سمعت ناشي دق في روس الأصباع=يشكي من الي للفؤاد أستحاذي
يشكي على ماطر وماطر معه فاع=يقول قلبي عند قلبك محاذي
أقلوبهم للحب عجلات الأقلاع=دفعه ضغط شريانهم والغواذي
راع الهوى مخدوع والحب خداع=راعيه قلبه من عروقه محاذي
قدامهم قد ذقت مره بالأنواع=بسرت فؤادي جذها منه جاذي
أنزع له بالحب والقلب ينزاع=كن البني بالكون غيره شواذي
يمرني طيفه له بروق وشعاع=وأعيشبه مذهول دون أتخاذي

سمعت قاف بين الاصحاب ينذاع=يشبه علي ماقيل ريح المجاذي
ماطروناشي والقوفي لها باع=باع(ن)طويل وصعب حوذه يحاذي
يشكيبها ناشي لماطر وملتاع=لاعه غلا خل تقفاه واذي
قافيه ناقل هرج مدري تلكاع=نكد علي ناشي بساعه ولاذي
وراح الصخيني يازن المد والصاع=بين النزول وبين شخص مغاذي
وارسل علي مطوع ولا ظن له طاع=قال انتبه ماهي طريقة معاذي
ولاتتبع الشيطان يخلفك الاسناع=ترا العور دربه للانسان ياذي
وحبيت اجاري قايل القاف في ساع=ساعت وصلني قلت هاذي لهاذي
واسجل اعجابي وابصم بالاصباع =بأن الهوا مكروه صعب النفاذي

{~لبارحة مدري وش اللي خذاني يوم **اجنبوا عني من الضيقة اشملت
جيـت أتكـلــم بس عيا لــــــسانـــي **ماكني إلا مرتكب ذنب واخملت
الله يسامــح مــن ذكـرت ونـسانيي **وأنا أدري إني لاذكرته تجملت
عانيت وأدري كل طيـب يعاني وعلى** حساب طعوني الخضر جاملت