سلم الحمادين مثل سلوم اهل نجد فهم يدخلون سنه وشهرين كاباقي

قبايل اهل نجد ولكن الحمادين زادو عليهم انهم (يدخلون عق) ما هو حق

حيث قاموا بادخال محيميد المريخي والذي قتل ابن عمه غنام المريخي امير

المريخات و كسار العمود وهو الذي يقتل الامير ما يدخل في سلوم اهل نجد

ولها قصه معروفه .

اما القصه الثانيه فهي للشيخ فيحان ابن جاسي وهي ان الرويزي من قبيلة

عتيبه يرعى عند مطير و جمع منهم ابل نظير رعيه عندهم وعندما اراد الذهاب

الي قبيلته مر على بيت مليح الحميداني وتقهوى عنده ثم مشى وفي

طريقه الى قبيلته اعترضه طامي القريفه واخر ابله ورجع العتيبي الى

مليح وقال يا مليح نياقي اخذها القريفه وانا اخر ما تقهوية عنده من مطير

انت وابيك ترجعلي نياقي من القريفه قال انت راعي عندنا قال لا قال انت

ذابح لنا منها عاني قال لا قال مليح مافي الوجه منك شيء قال العتيبي

بس اخر من تقهوية عنده انت قال مليح رح لعتيبه ومطير واسالهم اذ صارت

هالسالفه عند احد منهم ارجعلك نياقك وذهب العتيبي وسال عتيبه وقالوا

له مالك على الحميداني حق ولا صارت هالسالفه عندنا ثم ذهب للدويش

واخبره بالموضوع وقال له ما دار بينه وبين مليح قال فيصل الدويش الحمادين

هم اطيب مطير واذا ما رجعولك ابلك ما احد مرجعها لك ورجع الرويزي

العتيبي الى بيت مليح وقابل مليح قال يا مليح هذا و ما قال الدويش

وكان فيحان يحلب ناقه امام البيت ويسمع كلام العتيبي وقد امتلت الطاسه

من اللبن قال تعال يا عتيبي وين نياقك قال عند القريفه وهو يرمى الطاسه

وهو يعن (سوده) فرسه قال للصانع صح للحمادين والحمادين يتليمون وهم

يركبون ويذهبون للبدنه واذا ابل طامي ترعى في المفلاه وهم ياخذونها

ويذهبون بها الى اهلهم و ركب الواصليه يريدون اللحاق بالحمادين

لاسترداد الابل قال طامي والله ما يروح منكم الواحد انا اروح لامليح واتفاهم

معه وذهب طامي القريفه لمليح قال يا مليح وش اخذتونا فيه قال اخذناكم

في ابل العتيبي قال طامي هل العتيبي عاني لك قال لا ولكن العتيبي

يمشي مع مطير وعتيبه ويقول الحميداني مااخذ حقي و انا اخر ماتقهوية

عنده ويلوي لسانه مع مطير لكن رد نياق العتيبي له وخذ اباعرك

والقريفه يرجع ابل العتيبي وياخذ اباعره .


وهذه من بعض سلوم الحمادين

والسلااااااااااااااااااااااااااااااااام

__________________
انا لا قلت قول اصدق بقولي

ماهو قول الفلاني والفلنتي

يعطيك العافيه اخوي الراوي

وكلامك صحيح الحمادين اطيب مطير دون قصور بالقائل الباقيه

تقبل فائق احترامي وتقديري

يعطيك العافيه يالراوي

ونعم بالحمادين وبمطير وطيب الحمادين لمطير وطيب مطير للحمادين

كلهم مكملين لبعض وعسى الطيب من جماعتنا ودمت بخير برق الوسم

__________________

والنعم فيك ياسلطان زمانه وبالحمادين هذولا الدويله كفو فيهم

ولاكن اعتقد ان اهل المعجزات الثلاث ليسوو من الحمادين دمت بخير


برق الوسم

__________________

مراحب الراوي


طبعاً انت ما شاء الله عليك لديك من القصص الكثير ..


والصحيح اني ما سمعت كل القصتين اللي ذكرت



يمكن يكون جهلاً مني الله اعلم ..



لكن اعرف انو الحمادين ادخلوو الاويرك عن المريخي وهذي معروفه ومشهوره



والثانيه ادخلووو فرس ابن دمخ وقبيله ابوصفره ومعروفه ومشهوره ...


ومادري ليه لم تتطرق لهم ؟؟


وكنت اعتقد ان الحمادين ادخلووو عق مرتين الان يعني صاروو اربع مرات ..

__________________
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

هلابك اخوي برق الوسم انا قلت دون قصور بالباقين

دمتم سالمين

الاخ سلطان زمانه اسعدني مرورك وتشريفك لصفحتي

وحياك الله

__________________
انا لا قلت قول اصدق بقولي

ماهو قول الفلاني والفلنتي

الاخ برق الوسم

حياك الله وشكرا لاطرائك
ومثل ماتفضلت .. وطيب الحمادين لمطير وهذه نظرة الشيخ فيصل الدويش
ممكن تكون صائبه وممكن تكون خاطئه
وبالنسبه للثلاث المعجزات فالحمادين مشاركين مع ابن بصيص في وقعة (الحنيه)
وبرز منهم سند القضوع المذكور بالقصيده اللتي كتبت في الوقعه
وفعولنا تكفينا عن فعول غيرنا

مره اخرى اشكرك على تشريفك لمتصفحي وحياك الله

__________________
انا لا قلت قول اصدق بقولي

ماهو قول الفلاني والفلنتي

سلمت يالراوي وتقبل مروريييييييييييييييييييييييييييييييييييييييييييييي يييييييييي

الاخ العزيز منابع الطيب

شكرا على اطرائك وتعطير صفحتي بمرورك

بالنسبه للاويرك وادخال الحمادين له ,, وعدم تطرقي للموضوع
لأني لا أود ان اتطرق لبعض المشاكل والامور الحساسه اللتي ربما تغضب البعض من ابناء عمومتنا
واللتي قتل فيها ثلاثة من المريخات وفيحان الحميداني

اما موضوع حصان سعران بن دمخ فا ياليت انك تذكرها لاني اخشى ان اخطئ في بعض تفاصيلها .. مع الشكر

القصه معروفه لدي لكني اجهل السبب اللذي جعل سعران ياخذ فرس ابو صفره .. وقد احتماها غنيم بن رويل وحصل مشاده كلاميه بين وطبان الدويش وفالح بن حبشان في مجلس بن مهنا

وقد اتطرق لها كامله في مواضيع لها علاقه في بعضها..

اما ادخال العق
فهي قصة محيميد المريخي
لان كسّار العمود (قاتل الامير) لايدخل في معاهدات وسلوم اهل نجد .

شكرا على مداخلتك القيمه والمفيده وشكرا على المرور

__________________
انا لا قلت قول اصدق بقولي

ماهو قول الفلاني والفلنتي

الراوي

يعطيك العافيه على هالقصة وماقصرت

ويحق للحمادين الفخر بفعولهم ليوم الدين ,,

والحمادين ومطير شي واحد ,, مايتخلف مجرى النهر عن مصبه .

تقبل مروري

__________________

هلابك الراوي ويامرحبا

السبب لاهنت اللي جعل ابن دمخ ياخذ الفرس..

الفرس من الاساس فرس ابن دمخ وباعها لبو صفره..

الاختلاف اللي صار ان ابن دمخ يقول الفرس بعتها بشرط ان اللي في بطنها

ماهو لبو صفره وابو صفره لما ولدت الفرس قال مالك عندي شي

راح ابن دمخ واخذ الفرس وولدها وصارت المشكله اللي تعرفها ..


فآئق الود

__________________
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

اخوي الراوي عافاك الله والله انك راوي اسم على مسمى وعيني عليك بارده وبيض الله

وجهك على القصص الطيبه ونبغى المزيد منك لاهنت تقبل ودي وجل احترامي لك ايها الراوي.....

__________________

اهلا وسهلا ياجدتنا شرفتي حيل صفحتنا

شركرا على مداخلتك ومرورك العطر

__________________
انا لا قلت قول اصدق بقولي

ماهو قول الفلاني والفلنتي

اهلا وسهلا ياجدتنا شرفتي حيل صفحتنا

شكرا على مداخلتك ومرورك العطر

__________________
انا لا قلت قول اصدق بقولي

ماهو قول الفلاني والفلنتي