الرجــ’ــوله فــي ذمـه الله .. - الاتجاه المعاكس حوارات ساخنة نقاش جاد قضايا اجتماعية

#1 16-Sep-2008, 10:40 PM

بسم الله الرحمن الرحيم ..
..

الرجوله في ذمه الله >> مكياج للرجــ’ـــال ..

تعرض بعض المحلات التجارية في الأسواق المحلية مجموعة كاملة من «الماكياج»
لكن للرجال هذه المرة المجموعة وهي من إنتاج فرنسي متخصصة بإنتاج مستحضرات تجميل
للشباب ليحافظوا على جمال المظهر، وإضافة لمسات تجميلية على الوجه!.

واللافت أن تلك الشركة قامت بطرح المجموعة دون مراعاة للمشاعر العامة التي ترى فيها
مخالفة للدين والعادات والتقاليد العربية إضافة إلى غرابتها وجرأة طرحها في السوق المحلية.

ولتشجيع الشبان، تم طرح الماكياج بأسعار مخفضة تحت اسم ماكياج الذكور
وقال أحد العاملين في معرض يبيع المجموعة إن هناك إقبالاً كبيراً على شراء هذا المنتج
من قبل خبراء التجميل وعارضي الأزياء والشباب من مختلف الجنسيات،
وأغلبها من الجنسيات العربية و الآسيوية وهناك قلة من المواطنين.

وأشار موظف آخر إلى أن المنتج بدأ يستقطب العديد من الفتيات لاقتناء المجموعة
لبساطة وسهولة استخدامها

/
\
/

باودر لاضافه الاضاءه و اعطاء لمسه حريريه ، يقوم بامتصاص الدهون
و يستخدم لجميع الوان البشره السعر 39$

..

كريم البروزني للوجه و الجسم يضيف اللون البروني على كل البشره و يستخدم لجميع انواع البشره 48$

..

مخطط العين (الكحل) يضيف الجمل للعين لجعلها محط الاهتمام
و يبرز شكل العين و لونها و يعطي لمسه اثقل للرموش 25$

..

سيرم مكبر الشفايف يعطي الشفايف شكل ممتلئ و ناعم و املس $29

..

ماسكرا الحواجب و الرموش و الشوارب تضيف لمسه جذابه و خفيفه 23$

/
\
/

بعد هــ’ــا كله .. شو رااايكم !!
..
شفتوا لين وين وصــل الحاال ؟؟
لاحول ولا قوه الا بالله ..
..

اتمنى اشووف تعليقاااتكم ع هالشئ ...

منقول لنقاش

ابونادر · #2 16-Sep-2008, 10:58 PM

لا يا ريوف

الرجولة الحقيقية لازالت بخير والرجال لازالو موجودين ولله الحمد

ولو خلت لاخربت ..

وهولاء الشواذ من الرجال ليس مقياس للرجولة

يعطيك العافية على هذا الموضوع المثير .

تحيااااااااااااتي

.

**شقران** · #3 16-Sep-2008, 11:06 PM

لاحوووووووووول ولا قوة الا بالله

والله حنا في زمان العجايب

لو ننظرلها من الناحيه الأخلاقيه والمنطقيه

الرجل يحقله يعتني في نفسه

من ناحية المظهر

ولاكن بحدود الرجوله

والخشونه مطلوبه في الرجل

سوائن مظهره او اسلوبه

ولاكن اكرر بحدود

والله يكفينا شر الجاي

بكره بينزل شماااااااااااغ (بدون اسم)

او غتره نوعية (دلعني)

وعقال نوعية (دفني واطيح)

والأن خامات (لميس) موجوده في كل الخياطين

لكي جل احتراااااااااامي ريوف على الموظوع المهم

#4 16-Sep-2008, 11:10 PM

ابونادر لاكن مرات

من امر علي صالونات الحلاقه الرجاليه

نشوف الشماغ والعقال علي صوب

والحلاق مستلم وجه يشيل الشعر في الخيط

ابونادر ادخل الجمعيه كريمات التبيض الرجاليه

اشكال ولوان

اشلون انحارب هاذي الظاهره

منابع الطيب · #5 16-Sep-2008, 11:38 PM

وش دخل الرجولة في الاعتناء في الشكل سوا كريمات آو غيره ..,

يعني إذا واحد يهتم في شكله وبشرته واستخدم مبيض آو كريم لامتصاص الدهون وغيره صار مو

رجال ولا عنده رجولة والله يرحم الرجولة ..

لكن ما تصل الا انو يحط مكياج على وجهه مثل النساء او يستخدم الكريم البرنزي اللي

قلتي عليه او يكبر شفايفة وغيره من هـ الامور لكن الاعتناء شي مطلوب ولا فيه ما يخدش

الرجوله ..,

ويعطيك العافيه

تحياتي

الحمــ بو هـجيـر ــيداني · #6 17-Sep-2008, 12:37 AM

ريوف

كلامك صحيح ولو الشي هذا

مو موجود ماكان شفنا المنتجات هذي

باسواقنا متوفره وبكثره

لكن

مافيه مانع نواكب الزمن والتطور وناخذ منه اللي يصلح لنا

ولعاداتنا وبالاخير " ان الله جميل يحب الجمال "

يعني لازم الواحد يطلع شكله مبهذل

علشان يثبت خشونته

مثل ماهناك اشباه نساء ايضا من طرفكم هناك اشباه رجال

موضوعك رايق

منقوز جرره · #7 17-Sep-2008, 02:05 AM

ولا نستغرب إذا فتحت عيادات تحويل الرجل إلا إمرأه في بلداننا العربيه

فعلاً ريوف الرجوله في ذمة الله

انا لا أعارض من يهتم في نفسه بحدود المنطق طبعا لاكن إنه ينفخ الشفايف ويحط حمره

هذا هو البلاء العظيم وقد شقينا اذا اصبحنا هكذا

ريوف أنا دائماً أراهن عليك في اختيارك للمواضيع المميزه .... منقوز جرره

#8 17-Sep-2008, 02:36 AM

شقراااااااااااااااااان

ليش لا كل شي في الزمن هذا يصير

اذا الحين بعض الرجال يسون البدكير والمنكير وتحديد الحاجب

اكيد ماستبعد غترة دلعني

اسعدني مرورك

#9 17-Sep-2008, 04:06 AM

منابع الطيب

معناة كلامك عادي اتخلي مبيض البشره وتروح الدوانيه

في غسول وجه الامتصاص دهون

موكريمات التبيض

مشكور منابع

#10 17-Sep-2008, 04:14 AM

ابو هجير

انا ماقول بهذل نفسك لا

منو يحب يطلع مبهذل

بس مويخلون كريمات تبيض يقولون نواكب العصر

تخيل معزوم في بيت شعر ويسيل كريم تبيض

من الحر علي دشداشه وخزياه

مشكور ابوهجير

#11 17-Sep-2008, 05:15 AM

اعزائي العضاء الموضوع مهم ونقاش متواصل

#12 17-Sep-2008, 06:28 AM

منقوز جره مرور مميز كالعاده

شمريةتعز المطران · #13 17-Sep-2008, 08:52 AM

هذا الموضوع الكاتب الأساسي له إماراتي يعني هالمستحضرات يبيعونها في الإمارات مو عندنا ولله الحمد

يمكن لأن المجتمع هناك مختلط وكثافة الأجانب عالية... لكن عندنا صعبة تنباع على الملأ وبشكل مكشوف

لأن الفئة غير السوية اللي ممكن تشتريها قليلة جدا (بالنسبة لباقي المجتمع) يعني ما وصلت حتى للحد اللي ممكن ينقال عنه ظاهرة..وغير كذا هم فئة متخفية مستحيل تواجه ..

يعني الحمدلله عيالنا رجولتهم باقية ومستحيل يتأثرون

دائما مواضيعك مميزة وتستفزني للرد.. تقبلي مروري المتواضع..
ولك جزيل الشكر

#14 17-Sep-2008, 09:42 AM

الشمريه

بالعكس منتشره في كل مكاااااااااااااااااااان الحين وعندنا بالكويت حدث بلا حررررج

وكريمات التبيض الرجاليه اليوم انا شفتها في الجمعيااااات

اسعدني مرووووك غلاي

ســـيـــ الحميداني ـــوف · #15 17-Sep-2008, 09:55 AM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

ليش كلكم مستغربين من مكياج الرجال؟؟

شئ مويديد

الصالونات اوالحلاقين مايسون للزباين خيط وصنفرة وتقشير

وللعروس ماشاءالله ييك المعرس حاط كريم الاساس والقلوس والحاله حاله؟؟؟؟

لاتقولون مو موجود موجود واايد وبكل الخليج موامارات وكويت

والممثلين مويحطون ميك اب عشان التصوير والاضاءة؟؟؟؟

يعنى لاتستغربون اذا الراس ماليين استغلوكم عشان ينزلون ادوات وسيت كامل

همهم ماخبيهم وبس

يعنى انتم بطلتوا لهم المجال انهم يستغلونكم

اماالنقطه الثانيه

اوكى تعدل وتسنع ويكون هنادمك نظيف بس مومعناته والله تهتم ببشرتك وتسوى تقشير وصنفرة ومادرى شنو؟؟

شنوهديتوا للحريم؟؟

الريال معروف بخشونته

اسفه بس بدال ماانستغرب وننعجب

الاولى نصلح العيوب اللى فينا

والدليل ان الشباب ماردوا:)

اى لازم مايردوون

اتمنى واحد يرد يقول لاالحلاقين ماعندهم هالسوالف ولاحطين بالعروس ميك اب

واتمنى اكثر يكونون من اللى اعرفهم شخصيا عشان يصير نقاش وصور اثبات هههههههههههههههههه

(استانسوا كل المنتدى اعرفهم :) راحوا فيهااا):)