الكـل يـبكيها !!

خايـف عليهـا مـن الثـرى غطاهـا
ولاالحصـى حافـي اخــاف اذاهــا

اكـرم عليـهـا بالكـفـن يامـطـوع
بالبيـت ظــل فراشـهـا وغطـاهـا

اكـرم عليهـا بالكفـن هـذي امــي
وأشهد عليهـا فـي ماعطـت يمناهـا

هـذي الضحـى واللـيـل يتحرونـهـا
هـذي السـمـاء ونجـومـه تنعـاهـا

هـذي السـوالـف مثلـنـا تبكيـهـا
و الارض تنشـد عـن اثـر لخطـاهـا

هـذي الكبيـره كبـر هـذي الدنـيـا
هـذي العظيمـه جـل مـن سـواهـا

ابكـي عليهـا مــو نـهـار وليـلـه
ولاسنـه تمـشـي وأعــد قضـاهـا

ابـكـي عليـهـا كـثـر ماشالتـنـي
وكثـر الحنيـن اللـي اختلـط بغناهـا

وكثـر الاسامـي وكثـر مـن سموهـا
وكثـر النجـوم وكثـر مـن يرعـاهـا

ابكـي عليهـا مـن القـهـر يادنـيـا
من لي انا من لـي عقـب فرقاهـا..؟!!

مــن فتـحـت عيـنـي ولاخلتـنـي
وشوفو ولدها بالقبر خلاها ..!!

هـل الـتـراب بوجهـهـا ماقـصـر
شفتـوا ولدهـا كيـف هـو جـازاهـا

لــو انـهـا مكـانـي ماسـوتـهـا
لـكـن أعــز عيالـهـا سـواهــا

يالـدود يالـدود شفهـا ذابلـه جنبهـا
انــا ولـدهـا وحـاضـر وافـداهـا

قطعني هاك اللـي تبـي مـن جسمـي
بـس الكريـمـه لاتـجـي بحـذاهـا

وأوصيـك امانـه قـل لهـا تعـذرنـي
وتكفـى تـروح تحـب لـي ماطـاهـا

ابيهـا تغفـر لــي مـثـل ماكـانـت
كـل خملـه منـي بطيبـهـا ترفـاهـا

يالله عسـاهـا بالنـعـيـم الـخـالـد
وعساهـا فـي جنـة عـدن سكنـاهـا

يافضـو هـذا الكـون ياهـو خـالـي
ياضيـق هـذي الدنـيـا يامقسـاهـا

يـامـر طـعـم فراقـهـا يـامــره
مانـي مصـدق ارجـع ومـا ألقـاهـا

وشلـون اجـي غرفتهـا ماهـي فيهـا
وش عـذري السبحتـهـا ومصـلاهـا

شاقـول انـا لدولابـهـا وشنطتـهـا
واذا سألـنـي مشطـهـا وحـنـاهـا

وعباتهـا ومـي زمـزم ومصحفـهـا
والمبـخـره ورشوشـهـا ودواهـــا

الـكـل فــي غرفتـهـا متفـقـدهـا
حتـى الـجـدار متفـطـر ويرجـاهـا

الـكـل يبكيـهـا مـهـو ناسـيـهـا
يالله صبـرنـي وشـلـون انـسـاهـا

ياليتهـا ياليتهـا ماراحـت وخلتـنـي
او وسـعـت لــي بالقـبـر ويـاهـا


قصيده تعني لي الكثير الكثير الكثير
بقلم الشاعر: الحميدي الشمري

[بنت حمران النواظر]

خالتي يعطيك العافيه

مشكوره علي المرور

[آورنس]

مشكوره يا ريوووف على هالابدااااع والذوق الرائع ،،،

تقبلي مروري وتحياتي لك ،،،

مشكور اورنس

[غازي السعدوني]

ريوف فصيده ابداع ولاهنتي على النقل



ووصح لسان الشعر الحميدي الشمري اذا ماخاب ظني

مشكور علي المرور

[دلوعة زماني]

صح لسان الشاعر..
ريووفه يعطيك العافيه ع القصيده الرائعه..

لك ودي

[غنام العرافه]

أختي ريـــــــوف
الله يعطيك العافيه وتسلمين على الاختيار والنقل وصح لسان شاعرها ، تقبلي مروري ووودي .

الدلوعه

دمتي ودام مرورك

غنام العرافه نورت الصفحه

[ابـــوحـــــور]

ريوف المكسب الحقيق للمنتدى
يوم عن يوم تتألق في الابداع والمواضيع الاكثر من الرائعه

مشكوره على النقل وسلمت يمينك

ابوحور منور الصفحه

[ااالــركـــيــبـــي]

صــــح لـــســـانـــــج اخــــتـــي ريـــوف




وفــالــج الــــطــــيــب ,,,,,,,,,,,,





ااالــــركــــيــبــــي

مشكوووووووووووووووووور علي