شباب اليوم

[حلوه راك]

	((قصيدة)) شبنا من عْيال الزمـان الحالـي لو اكبـروا مـا خّلـوا الجهالـهْ وقت المطر خيّموا في المسيالـي وفي الرّ يحْ داروا في ذرى الهيّالهْ صرنا لهمْ على النّفـوس اثْقالـي نرشد ولا منْ يصْطلح من حالـهْ اتشوف لهْ لحْيهْ وشنـب رجّالـي ونتايجـه فـي المدْرسـهْ حثّالـهْ له كشّةٍ في الراس كالعلعالـي(1) واذا هرَجْ هرْجـهْ سبـق تفّالـهْ ويلعب اتـاري لعبـة ْ الاطفالـي للتسليه ْ فـي غرفتـه والصالـهْ ايغرّ كْ ان شفته لبـس لعقالـي ولا ّ تسفّر سفـرة ْ الخيّالـهْ(2) اوْ مرْ في سوق العطـر يختالـي اتقولْ عنّهْ قانـصْ الأوعالـهْ(3) وانْ ساق سيّاره تشوف اخبالـي يرجعْ الموترْ يشتكي مـن والـهْ متمسكن ٍ مـا دام جيبـه خالـي ومتْمردٍ والمـال فـي الحصّالـهْ مـا يحتـرم كبيـر سـنّ ٍ بالـي ولا يفتهم للعـرف فـي احوالـهْ مثل البهيمـه فـي حكـم خيّالـي يلـوي ويلزمهـا بشـدْ احبالـهْ يسمع كـلام امّـه بفكـر ٍ آلـي امّـا كـلام ابـوه مالـه ومالـهْ وأمّـه تناديـه الحبيـب الغالـي تنصـح ْ ودرب الخيـر تتمنالـهْ وانْ هوْ تبـلا ّ الهاتـف النّقالـي خربط وجاه الديـن جـرْ اذ يالـهْ اهله ادفعوا له كل شهر ارطالـي من راتبـه ابـوه مـا يصفالـهْ ساهي عن اخبار التّطـوّر سالـي عنده التطّـور غترتـه وانعالـهْ ان رقد ما يصحى بدون اعطالـي واذا صحى ما نـام مـن اعلالـهْ دام المعلّمْ في الاسـواق ايتالـي ورى المكاسـب مكثـر ٍ ترحالـهْ وشْ عاد طلاب ٍ بصفّ ٍ عالـي ؟ اذا غدوا فـي المدرسـه دجّالـهْ مـا همّهـمْ علـم ٍ ولا معـالـي للمغريـات اعقولـهـم ميّـالـهْ يستاهلـون الوسـر بالحبـالـي او خيزرانـه بالدّهـن سيّـالـهْ يا فاهم ٍ شعـري فـذا مرسالـي قصـدي أوجّـهْ للوطـن اجيالـهْ المجتمـع ينظـر الـى الافعالـي وكلّ ٍ يثمّن علـى قـدرْ اعمالـهْ يارب تهديهـم لحسـن الحالـي عن لا تقول الغُربْ عنهـم عالـهْ شبابنـا يـا صفـوة ْ الرجالـي للعلـم هبّـوا واطلبـوا افضالـهْ اقروا سيَرْ عن سالـف الاجيالـي كونوا عمر وابن الوليـد امثالـهْ كونـوا شبيبـهْ طيبيـن الفالـي وخلّـوا دروب اللّعـب والجهالـهْ (1) العلعال ذكر طائر القبّره (2)سفره العمّه على الراس او العمامه (3)الاوعاله جمع وعل وهو ظبي الجبل

[محمد ابن عقوب]

حلوة الراك ..

مشكوره وماقصرتي على التواصل الطيب ..


وأعتقد ان الشاعر يقصد بــــــــعــض شباب اليوم ..

فالتعميم .. في جميع الأمور لا يرغب فيه ..


فالكماال لله سبحانه وتعالى




تقبلي تحياااتي و مروري المتواضع

دمتي بخير

[فجر الحمادين]

يسلمو حلوة راك

يعطيك 1000 عافية ع المشاركة الجميلة

تقبلي مروري

دمتي بخير

[حلوه راك]

تسلمون ع المرور اخووي محمد التعميم محد يحبه لكن انا ما لي خصث هاي قصيده

[حوريه الثامريه]

حــلوة راااك

سلمت يمينكِ عزيزتي ولا هنتِ وصح لســان الشــاعر


الف شكر لكِ

تقلي مني ارق واعذب تحية مطره بريحة شعرية رائعة

[حلوه راك]

تسلمين حبوه ع المرور

[بن شرف]

حلوة الراك ..

مشكوره وماقصرتي ..