رجع يسأل عن أخباري بعد غيبه سنه وشهرين=رجع شايل وجع صدره وقال أرجوك تواسيني
رجع كأنه يحسبني سعيد بدنيتي او زين=وهو يدري الدمعه لو تراخت تسليني
دمع هالوجه كأنه جمع في غيبته جرحين=وأنا عيني بدت تدمع على حزنه و تبكيني
يقول الدنيا خانتني وبعدك يا فلان سكين=ولا أحدن يا فلان غيرك يقدرني ويراعيني
حبيبي ضقت بغيابك حبيبي حيل أنا مسكين=وأنا جيتك بهالليله وتكفى لا تخليني
وأنا لامن نطق تكفى عطيته لو طلب هالعين=وأجود بكل مايملك خفوقي وتملك أديني
وقلت ابشر ولا يهمك تدلل وش تبي يازين=تراني فدوة عيونك لو انك جيت تشقيني
حبيبي لو تبي هالقمره عطيتك فوقها ثنتين=بعد لو تطلب النجمه بنطق جيتك اضويني
بعد هذا ضحك وبعثرت همومه سلهم الرمشين=وقال الله يا طيب قلبك وانا ظنيتك ناسي