دقيت سلف الحوض مع هجعة الناس=مالي خوي جيت عاني براسي
عشقت قيره وانطلق تقل قرناس=يوم القدم لمورد النار داسي
نصيت شيخٍ من عديمين الأجناس=يرسي كما ترسي الجبال الرواسي
لاصك بابٍ وانقطع من دونه الياس=مايفتحه بالضيق ياكود{{جاســـي}}
مارافق الرعيان وأضعاف الأنفاس=وبين الملوك يعتبر دبلوماسي
يابو علي صابر على حر الأوناس=لاملك حلال ولا رصيدٍ دراسي
فكري من هالدنيا فقد كل الأحساس=وأبيك تفزعلي بحلٍ سياسي
ولو ماراع الصمان كاظم وعباس=والحكم جار وجردهن الإحساسي
والله لفعل ماطرى داخل الراس=ولاتاخذ العليا عيال البساسي
ومتعب فعل فعلٍ بلا حد وقياس=الظهر برهن موقفٍ له حماسي
ولازانت لمبغض وبلاس=ماهاب حكامٍ ملكت الكراسي
وشعيبنا مافيه ماطا القدم داس=إلا حميداني من أصل وساسي
وأنذرك ياللي جيتنا رافع الراس=عقب النذر مايوخذ الهياسي
فيحان تم أبيات شعر بقرطاس=أغلى من الجوهر على عقد ماسي

رمانة القلب محرقها أنت بعيونك = وإلا عراويه قاضبها أنت بيدينك
يابعد فرقك على ناس ٍ يمارونك = لو يوزن الزين مالت به موازينك