الحـلــم
للشاعر الكبير / فلاح بن مبرد الحميداني
وش حلّ حلمي يامفسّرت الأحلام=للحلم أبيلي من هل العلم تفسير
اللّي بلاجنحان يصعد أليا هام=يحوم في كبد السّماء حومة الطير
وش لون حلّ الحلم في حكم الأسلام=إليا حمت فوق مركّزات المعاصير
أنا عمى غافلٍ بلذّات الأنعام=وبا أزعج المبصر بعرض التصّاوير
مشاكل المخلوق تيّارالأيّام=الوقت هايـج واللّيالي معاشير
يعلم بها اللّي عالمٍ حمل الأرحام=المعتلي منه وعليه التّدابير
ماهي بسلعه بين بايع وسوّام=فرضٍ من الخلاّق حكم المقادير
بالنّاس منهو يجمع الكنس بخمام=وفيهم من اللّي يصرفون الدّنانير
وفيهم من اللّي يعطب الطّق بلحام=من ضربته جمع الحديده تنانير
بلشت مابين الحقيقه والأوهام=وأخشى يجي نفع الحقيقه معاذير
في غابةٍ يلهمني الهمّ بلهام=بين الورود الفاتحه والعصافير
غديت أنا ويّا الهواجيس بزيام=تفرّني فرّ المكينه مع السّير
ضرباتها بالكبد من نبل الأسهام=وش فايدة فكري برفع التقارير
زاد الحساب اللّي بعداد الأرقام=وعجزت لا ألقا للمفاتيح تصفير
