حنا شعار الحرب حنا الحمادين @@ ان عودت للطيب ولا الشجاعة
بسم الله الرحمن الرحيم
يقول احد الشعراء من الحمادين :
حنا شعار الحرب حنا الحمادين @@ ان عودت للطيب ولا الشجاعة
نطعن بشلف تلحق الدين بالدين@@ بايمان ربعي وارثين القطاعــه
كن العدا قدام ربعي مقفيـــــــن@@ شراد ريم صايع الملح لاعـــه
اهل الفعول المعجزة بالمياديـــن@@ كم شيخ قوم راح راسه قلاعه
نبي المعجزه يالحمادين نبي ولدنا خالد محسن الحمداني يفوز بشاعر العرب
وهذا مارح يصير الا بوقفتنا مع بعض بتكثيف التصويت وماهيه غريبه علينا
وخالد مايثمل نفسه يمثل الحمادين ومطير والكل كان معجب بحضوره حتى اللجنه
قصيدته بمطير
لقبيلة مطير/
لعيون حمران النواضر جت على البحر الطويل
يـوم القصايـد لاح بـراق الشعـر بخيالهـا
شواردٍ لهـا بتفكيـري وفـي عينـي مقيـل
اشعل توهجها من المعنـى وازيـد إشعالهـا
امشي لها درب الوعر واصل بها للمستحيـل
واليارقت لوهي على متن السحاب ارقى لهـا
ماني معنزها اليامالـت علـى جـرفٍ يميـل
للغيم اوصلهـا وتبقـى فـي يـدي احبالهـا
ماعاشر الرجل الهزيل ولااكتب الشعر الهزيل
احرص على الجزله واقدرها واحب اسعى لها
عاداتنا مانقبل الهـزلات لـو نعطـي جزيـل
والناس تعرف من مواقفهـا وطيـب افعالهـا
ماجيت ادور مدة المسكين من كـف البخيـل
ربعي مطير اللي على العـزه تشـب عيالهـا
كتابة التاريخ يوم المجـد بالسيـف الصقيـل
اهل المهار اللي مراكيض السعد تبـرى لهـا
