اسمعوا قولي اليوم قايل = كان عندي عيالٍ تشيله
وين ربعي جمال الثقايل = شايلين الحمول الثقيله
يوم تحسب فروع القبايل = أنتم أشرافها يا قبيله
لا لبستم جداد العمايل = كل ديان يوفي عميله
قاصر العمر ما هو بطايل = لو بغى له حياة طويله
هيه يام العيون الكحايل = لا تعشقين ساحب شليله
لغصمه من على بيه مايل = غثرت عين بنتٍ تخيله
لا تحرك وله بسايل = يدرج بس عند الحليله

ياتافه الناس تبطي ماتجي قدي=لاكبرت السالفه دمعتك مذروفه
ماتعرف الهزل يالتافه من الجدي=ماتدري ان البلد بالليل محيوفه
خلك بعمياك مع هاته على ودي=والياقربت الخطر غنيت معزوفه