((( حبــــــــر عاشـق )))

ريميةمطير · #1 03-Jun-2008, 07:04 AM

أسعد الله صباحكم

((( حبــــر عااااشق )))

إن بغيت أوصف حبيبي بالشعر أنسى الحروف
وإن بغيت أنصف حبيبي بالحكي ضاع الكـــلام

لو رسمته في خيالي لوحة ٍ صعب الوصوف
يعـجـز الـرسـام يكـمّـل لوحته فمليون عــام

خلّي أكبر من قصيدة صغتها بأقسى الظروف
وخلّي أكبـر من وصـوف ٍ رسمها ودّ وهـيـام

الناس تحكي وتحكي فسيرة ٍ تغني السيوف
بسمته تكفي .. وتكفي نظرته تحمل ســــلام

طيفه اللي من عرفته مختلف بين الطيوف
ولالمحته هام فيني خافق ٍ عـــــاش فـغـرام

أيه أحبه وليت قلبه لوتـكـرّم بــــس يشوف
كيف حبه صار فيني والغلا أصبــح وســـام

وليت قلبه في غيابـــــي يقتنـع مـرّة ويـروف
دام خلّـه عــاف غـيره وشال حبـه بــإهتمام

لانثرت سطور شعري صابني رهبه وخــوف
خوف قلبي لو يقصر والصراحة مـــايــــــلام

هذا (حبر العاشق) يكتب سيرة ٍ تنقش حـروف
في صدر من هو أحبه ولابعد يكفي الكـــلام !!

][^][ حـــــــلم ؟؟؟ ][^][

حلمت البارح أنك معي وأيديني بيدينــــك
شعرت بفرحة الدنيا وقلبي ذابت أوجاعه

!

!

** وفجأه **

((( وفجأه )))

\\ 00 وفجأه 00 //

غبت عن عيني وقمت أسأل بلهفتي وينك؟؟!

0

0

((( أثــاري ساعتي رنت وقمت ألعن أبو الساعه00 )))

MASH3L · #2 07-Jun-2008, 12:06 AM

تسلمين يا ريميه ولا هنتي

دانة مطير · #3 07-Jun-2008, 04:12 PM

ريمية مطير ,,

صح احسااااااااااااسك غلااااااااااااااتي ,,

يعطيك ربي العااااااااااااااافيه ’’

بانتظااااااااااااااااااار جديدك ,,

ودي واحترااااااااااااااااااامي ’’

نوني الحماديه · #4 07-Jun-2008, 04:49 PM

صح لسانج

تسلمين ريميه المطير ع القصيده الحلووه