العام قبل النـاس بالعيـد اهنيـك=واليوم قلـي مـن بهنـي بدالـك
دامك سكنت القلب ياروح مغليـك=وشلون مشفق واتمنـى وصالـك
اهيم بفكاري ليـا حـل طاريـك=وانشهد ان البعـد درب المهالـك
قفيت كني مـن بعـادك معاديـك=ماكني اللي كل ماطحـت شالـك
واليوم كنك من سـلال المماليـك=وكنك تميز بيـن حالـي وحالـك
أذكر وتلقى مامضى مـن لياليـك=يوم الهوى مابين جالـي وجالـك
أذكر زمانن راح وذكر مساريـك=تشرب من دلالي وانا اشرب دلالك
هم غيروك من العواذل صعاليـك=الين جاك ابليس باللـي طرالـك
ياما دمحت عيوبك اللـي تغطيـك=تجرح واقول القلب باقي حلالـك
جيتك وفا من صادق الود شاريك=سعيت لك والقلب مثلي سعى لـك
وتهيم في وادي وانا اهيم واديـك=واقول كله لاعنـا مـن طرالـك
ومشي على دربك واتابع خطاويك=شايك!! واقول الدرب هين وسالك
ترمي علي من غير سبه بلاويـك=وارخي لك الهامه ويكثر جدالـك

ياتافه الناس تبطي ماتجي قدي=لاكبرت السالفه دمعتك مذروفه
ماتعرف الهزل يالتافه من الجدي=ماتدري ان البلد بالليل محيوفه
خلك بعمياك مع هاته على ودي=والياقربت الخطر غنيت معزوفه