بأسم الولي رب العباد أستعنا = مدبر الأحوال بالصبح والليل
الواحد الي عالم" ماجهلنا = منزل كتابه بالأيات تنزيل
معلقين" بالولي دوم أملنا =مافيه غيره يستحق التهاليل
يوم أرعدت غر المزون ولفنا =وأنهل من مزن الخيال الهماليل
جالي مع الطاروق قاف" يغنا =ونظمت قاف" لاود عدل الميل
هاض الصخيني من هجوس" تغنا = بأقصى الضماير قامت تحط وتشيل
ماني مضريها على غير فنا = لها على العد الرهاوي مداهيل
ماجبتها منا ومنا ومنا = أتعب على معنى جزيل التماثيل
لي هاجس" باللازمه ماتونا = والحمل ماله غير شقران وشعيل
لين القصيده تاصل لما أتمنا = وتصبح كما ورده على شاطي النيل
لاح الخيال وهايم الفكر غنا = ووردن بنات أفكار شعري مقابيل
مني سلام" عد ورقا" تغنا = على الغصون العاليات المضاليل
يشمل قريب الدار والي تعنا =من دافع الأحساس مافيه تضليل
أخصبه راع الوفا والمثنا = قرم" رقى بالطيب للجدي وسهيل
عدا مراقيب الوفا ماتدنا = له ماقف" ماهوب حزة تساهيل
قرم" على الطاله صروحه تبنا =فلاح أبو هابس حفيد الحلاحيل
الطيب ساسه دون شك" وضنا =كساب قالات الوفا والتنافيل
ذباح حيل من الشحم غلقنا =وله مجلسا" تندار فيه المعاميل
يشري المراجل لو قسن وغلنا = يوم الردي ماله عزيمه ولا حيل
تنصاه شوخ القوم وإله أتعنا = وتجيه بالشده زحول الرياجيل
عد" علاه الناس منا ومنا = هذا نزل حوله وذا مره محيل
جده عقيد الخيل لامن غزنا = كم واحدا" منهم يشوف البهاذيل
واليوم جينا يوم الأفراح جنا = نزف باقات التهاني مواويل
على السلامه بالقصيد أحتفلنا = يوم الولي سلم رفيع المنازيل
سلام ياربعي حماة المجنا = ياعز من ضاقت عليه المداخيل
حنا الدويله ماكر الطيب حنا = يشهد لنا التاريخ جيل" بأثر جيل
حريبنا بالوقت لا ماتهنا = لاشافنا يعذر بتالي المحاصيل
أنا أشهد إن الي نطحنا تعنا = إليا تعلينا المهار المشاويل
لاثار عج الخيل وأعسامهنا = عاداتنا نفزع على الكنس الحيل
كم فارس" من فوق سرجه تثنا = جبناه في حدب السيوف المصاقيل
ويوم الخيول المكرمات يعدنا = يشهد لنا التاريخ والهجن والخيل
ويوم السيوف بضرب الأيدي تحنا = السيف ماعلق لزينه وتجميل
ودخيلنا يفرح ليا من زبنا = يرقد بأمان ولايشوف الغرابيل
الفضل للي عزنا ما خذلنا = رب" جعلنا مضرب" للتماثيل
نبقى على الميقاف مع درب أهلنا = من دون قاصر في جميع المشاكيل
وأختامها يوم القوافي تغنا = ياجعلها ترضي سموع الرياجيل

حنا الدويله ماكـر الطيـب حنـا = يشهد لنا التاريخ جيل" بأثر جيـل
حريبنـا بالـوقـت لا ماتهـنـا = لاشافنا يعـذر بتالـي المحاصيـل
أنا أشهـد إن الـي نطحنـاتعنـا =إليـا تعلينـا المهـار المشاويـل