ياهجوس الشعرقدام الصباح يطلي= من بنات الفك هاتي عانس معشوقه
دام صدري للقوافي منشرح ويهلي=بالغنوج اللي تثنى كنها زملوقه
عيطموس في وصايفها اللسان يزلي=من غلاها عند ابوها نوب تسهرموقه
مايناسبها خـطيب ولاتعاشـق خلي= ماتبا الا من تخـيل من العصير بروقه
استعدت للرحيل وسافرت يم اللي= تعشقه شرد القـوافي والحسان تشـوقه
يـم مرزوق الـثبيتي في دلال ودلي= في ديار منزحة عـنها الحريب الروقه
لابة يوم السيوف من الجفـير تسلي= كم وردمـنها الدرك حـدرالتراب وفوقه
مـع سـلامي والتحـيه ياسمين وفـلي= سلة يـختار منها مـايناسب ذوقه
من ضميرمادخل فيه الرياء والغلي= عـدماتنبت فـياض العشب مـع رقروقه
دافـعه صدق المشاعر والنفـاق يولي=واهسي ينقاد يمه والاعجاب يسوقه
شاعر تطـرب لـه الاذواق ماينـمـلي=لاسمعته مثل غـيري جازلي طاروقه
لاتفهق مثل ألاشقر والحجاج انفلي=انحنت روس الرجال وشدها منطوقه
لامتطى صهوة جواد المفردات يدلي=مـزهبه من جوهرالياقوت في صندوقه
مايجيب الياغزا كـودالسمان الـجلي=مايخم من الهزال ويستحل الـبوقه
شاعر توه صغير السن ميراحتلي=مركز يصعب على بعـض الكبار الحوقه
مايـبي مـني شهادة بالهرم مـتعلي=ميركلمة حق وعـطي كل شخص حقوقه
اتحدى مشوهـين الشعرقـدم الكلي=لاحظر مرزوق ينطق من يمط شـدوقه
من شواعيرتغث كـبودنا وتـعلي= بالمجالس مثل دلال القـرع في سوقه
كل شـاعرمايشـد المستمع منشـلي= ميت(ن) لوكان تنبض بالحياة اعـروقه
ياهجوس الشعرجيتيني وجيتك كلي= والمشاعرللهجوس الجزل فيهاتوقه
قمت احل عقودهاولكل عقدة حلي= شردماهيب عارية ولامسروقه
وازن(ن) قيفانهابالسانتي والملي= من قراح الشعرماعود على المطروقه
دام عذبات القصايد واقفن واوملي= عذرمالي عذر والدعوى ماهي مفهوقه
ياقلمنا شدحيلك عقب جبت سجلي= يوم لاح الصبح بانواره وزين شروقه
ماعلي اخلاف مادام الزمن صافلي= كل مطرودة اليا طال الزمن ملحوقه
مرحبا باللي تذكرني وجاءعانلي= شاعرنفسه لفعل الطيب فيها توقه
طوع الخودالحسان الشاردة ورسلي=اوغمرني طيب من طيبه وفايض شوقه
من حمادين لاطاح الصويب وخلي= سعد عين للرفيق وللمعادي عوقه
شردطاعن لبونادر ولاطاعنلي = ودي أبهن ميرمالي عليهن طوقه
انتقاءعني غزايزهن بعدجزلي = لين صارت مثل بشت(ن) ماتخاط فتوقه
مير انا لاشح وقتي ماتبين قلي= دام اشوف الغصن واطوله واطول عذوقه
كان في خاطرك هرجة يابونادرقلي= عقب ماصارت دلي اصحابنا مشلوقه
موحيلي مدري ويش انا موحلي= لحية تكرم ولحية عندنا محلوقه
من نعاطيس براسي مالفت في ظلي=سابقه والسابقه تسبق على المسبوقه
عقب صارالشعرمثل عائلة متولي= قلت اجنب عنه واحث القدم واسوقه
اتركه للصحابنا فؤادواسعدقلي= واتريح منه انا واعصابي المحروقه
قدنصحناهم ولكن وضعهم مختلي =مثل من ينفخ هواءفالقربه المشقوقه
جاك خطي ميرياوجه السعد لعلي= حزت فيه رضاك هو والرتبه المرموقه

المشاركة الأصلية كتبت بواسطة صافي النوايا صح لسانك يا تاج لي الفخر وصح لسان الشاعر مرزوق الثبيتي العتيبي وما عندي الا قول واحد يا بو نادر انت وصلت الذروه هل هناك معنا اقصى من الوصول الى الذروه ما اعرف بس متاكد انك تجاوزت درجة الذروه مع علاقتك في الشعر ................لك ارقى قلب يعشق دائمن رؤؤس الرجال واللهم اعطني مما اعطاك اللهم امين والمعجب الدائم لك صافي النوايا

المشاركة الأصلية كتبت بواسطة &الحميداني& السلام عليكم ورحمة الله وبركاته أشكرك كل الشكر أخوي أبو نادر على تلبيت طلبي وصح لسانك وصح لسان الشاعر مرزوق الثبيتي والله يعطيك العافيه ونرجو أن تزودنا بالجديد والسلام عليكم ورحمة الله وبركاته

المشاركة الأصلية كتبت بواسطة ابوجراح صح لسانك يابونادر واتمنى انتنشر هذه القصيده اعلاميا لان القصيدتين تستحقان قراء اكثر ليستمتعوا بها وصح لسان الثبيتي ونتطلع لقصيده خاصه تنشرها يابو نادر فقط بالمنتدى ويكون المنتدى له السبق الشعري بمثلك انت وشعراء القبيله واله يحفظك تقبل تحياتي والسلام عليكم

الادمي لولا المكارم والاخلاق=كالحنظله من ساسها لاورقها