بعد ما ريد فيزه ولا لجوء انـــــسان

عمت عين الاقامه الدنست صـــــيتي

واشكر كل صديق وكل خوي وكل جار

قــــفل بابه ورفض يـــــقبل عراقيتي

خلف الله عليكم والوكــــــــــت دولاب

لا بد يوم يـــــــــــنزل بيكم ارضيتي

لان اول امس كل البشر خــــــــــدام

جانوا للـــــــــــــــعراق واكلوا ابيتي

جان الضيف عندي مكرم ومهــــيوب

فوگ الراس اشــــــيله وهاي تربيتي

ما داعي اسولف وانه ابو النــــهرين

ياهو الــما سمع اخــــــــــبار حنيتي

بعد بصــــــمات اديهم والطبع موجود

من جانوا جياع بوســط صيـــــنيتي

يـــــا دنــيه حرام ومــنكر ومــــكروه

اذا ابــــن الــــــعراق الــــيوم وطيتي

معـــقوله نسيتي اسم الـــعراق بساع

لــــــو مثل الــــبشر همّن تــــناسيتي

مــيفيد الحچي ولا تـــنفع الـچـلـمات

راجـع يـا وطـن لـترابــك الزيـــــتي

راجـــع يــا حـبـيبة گــلبي يــا بغداد

وادرى بكـــثر ما ونـــيت ونيـــتي

وادري لوحّدج عفناج صار سنين

وادرى من الحزن تابوت سويتي

جيب الاغتراب وحـــطه بالـــتابوت

يا غربه الـــــــــــعراق شكثر اذيتي

ما اعيــش ابّحر مالح طـــعم يا ناس

انه بسجن الـــــفرات وفقط حريتي

وترابي ذهـــب والگاع من ياقــوت

ومن ثوب الكرامه البسهه بيريتي

واذا گالوا لترجع والوضع مو زين

اگول اني الوضع والزين تاليــــتي

وميهمني بعد ليصير خلي يصير

طعم الموت اشرف من هجر بيتي

اموت بوسط خوتي ويا حلاة الموت

من اجمع اهلــــــنه واكتب وصيتي

وصيتي لو متت لتچفنوني چفان

لفوني بعلمنه وهاي امـــــــنيتي

واذا تردون اليه بهالگبر ارتاح

امانة الله دفنوا وياي جنسيتي

امانة الله دفنوا وياي جنسيتي

يعطيك العافية ابو خنجر على النقل

عاطر التحايااا

__________________

__________________

كلك ذوق فجر على التوقيع الحلو * معاد فيه صور بنات:)

بعد ما ريد فيزه ولا لجوء انـــــسان

عمت عين الاقامه الدنست صـــــيتي

هلابك يابوخنجر

شكلك معجب بالريس وبأفعالة طبعا ماتريد فيزة ولا لجوء وهم عمت عين الاقامة اللي دنست صيتك ؟

اللي دنس صيتكم وخلاكم بالفيزه هو ( البطل ) خوش قصيدة بس يأخي المثل وش يقول ( خبز خبزتيه يالرفلاء كوليه )


تقبل أطيب التحايا

__________________

كل الشكر للمبدعه قوت القلوب على التوقيع

لا اله الاالله
عندما زرت الاردن اخر مرة 1995
والاردن هي المستفيدة من حروب صدام العبثية
كان العراقي في اخر الدور
الاول للاردنيين
الثاني للاجانب
الثالث للرعايا العرب
وفي النهاية العراقيين
مع ان العراقي قبل ان يستلم الحكم طيب الذكر كانوا في المقدمة دوما
انظروا لتعامل المملكة الشقيقة مع العراقيين الان .
اشد قسوة ومرارة
وهي احدى الدول التي سرقت العراق عام 2003

كل الشكر اخوي ابو خنجر

قصيده رائعة

لاهنت

__________________
...