انا طبعي سعودي والسعودي لاعشق ( مجبور )=يموت ومايخون العشق وعروقه سعوديه
ســـــــــعودي يوم حبك مااستمد الشور=تباه من منحك الحب مااخلف النيه
وانا مهما قلت احس اني اجي بقصور=مع ان نسبة غلاك بخافقي ميه بميه

والله لأزعل كل الناس واراضيك=
وامشي معك لو حالو الناس دونك=
يامن ملكت القلب بالروح نفديك=
انا معك لا تفكر اني بخونك=
بعت البشر وفى زحمت الناس شاريك=
وكرهت ناسن بالزمن يكرهونك=

غايب حبيبي ما وصلني سلامة=مدري غيابه عذر أو شيء مقصود
ما عادته يبخل علي بأهتمامه=دايم يطمني ولو كان موجود
مبغى أشوفه بس أبسمع كلامة=لا صار طيب راحتي ما لها حدود
يرجعه ربي علي بالسلامة=الي وحشني كم بقى يوم و يعود
متى يعود و ترجع الإبتسامة=الصبر مهما طال له وقت و حدود
عندي عتاب و دمعتين و ملامة=و عندي أمل أنه إذا غاب بيعود

عرضت في سوق المشاعر بضاعة=جمّعتها من سالف ايأم عمري
من خاطر ضايق برغم اتساعه=أدوّر اللي داله البال يشري
أعرف طباعي خالفتها طباعه=طبعه ملول وطبعي يضيق صدري
لقيت هذ السوق من جاه طاعه=واللي يبي يسري مع الليل يسري
لقيت لي همّه ويمكن شجاعة=آسابق الظلماء على طمس فجري
والناس تشري من الرضاء والقناعه=والقلب يدري واقرب الهم يدري
والخوف كل اللي معه خوف باعه=واللي تأخر يشري الليل بدري
واللي قصيده مأ أنكتب له طباعه=الآه شعري واسفل الآه نثري
والحب يسهل طردته وانتزاعة=ارسل على الصاحب ولا آجيب عذري
وانا انتشي لي منظر السوق راعة=وارسل يجي برضاه ولا بأمري
تنوعت فيني حدود الفضاعه=صرت اتغلى واتبختر واهذري
حلم غريب طيّره دق ساعة=حلمت بايع لكن اصبحت اشري