قالوا هلي وشفيك ماترقد الليل=ترى السهر ماله عواقب حميدهـ
كانك مريض روح واعمل تحاليل=يشرح لك الدكتور وصفه مفيدهـ
قلت انشدوا راعي الرموش المضاليل=اليوم صار الحل والربط بيدهـ

لمت نفسي ولامني وقتي معاك=اشتكي من هم وبكي من الم
ياخطاي إللي توافق مع خطاك=لاسلم حبي ولاحبك سلم
انت اعز الناس ماتجهل غلاك=معتقد هالحب ياتي من عدم
كل مامرو علي هذا وذاك=كلهم لاشي وانت اللي أهم

كلها ايام وعيوني تشوفه=واحترق شمعه وانور له سماهـ
خل يذوب القلب في دافي كفوفه=والا عطر الليل يحضنا دفاهـ
ان همس لي ضعت انا بأول حروفه=وان نظرلي جيت كلي من غلاهـ

عيشة عدوك عيشتي عقب فرقاك=عايش ولكن عيشتي ماتسرك
ظلمتنا وتقول حنا ظلمناك=وأنت الذي كفيت خيرك وشرك
حبل الموده لاقطعته وصلناك=متربع بالقلب لله درك
آمر وحنا من يمينك ليسراك=وتشوف عينك ياشيخ مايسرك ..

قالوا حبيبك يقرا الشعر، قلت أيه=يقراه بعيوني قبل تسمعونه...
لولاه حتى طاري الشعرمابيه=لكن كتبته لاجل خاطر عيونه...
أكتب لغيره والقصايد تجي فيه=كن القصايد حالفه ماتخونه...

بعض الغلاياخذ له ايام ويروح=وبعض الغلاياخذله سنين ماراح
وبعض الغلامتمكن داخل الروح=ماينمحي لوجاه نزاع الارواح
وانتم غلاكم مايبي شرح ووضوح=غلاحقيقي دون تمثيل ومزاح

أحبك كلمة ضاعت من اشفــــاهي قبـل مالقــاك=ويـــــوم أني لقيتـك صـــار مابشفاهي إلا هـــي
إذا ماقلتلك في يـوم أحبـك وأعشقك وأهــواك=أحــــس أني جحــود لخـالقي في نعمة اشفاهي=وأحبــك جنبـي هنيـا وأحبـك لــو تروح هنـــاك ..

مثـل الشـــراع يقــوم يستقبل الريـــــح=قلبــي لشــوفك قــام وانفــك بابــــه ..
تعـــــــال مايستحمــل الوقـت تلميــــح=ضــم الغــــلا توه على أول شبابــــه ..
اكــن لك بالصـــدر ونــــة مجاريــــــح=ســؤالٍ يستمطــر صــدوق الإجابـــــه ..
ماودي أجــرح هـزعــة الليل واطيــح=صــوتي صــــداه يثير صمت الذيابـــه ..
سئمــت هـــمٍ وصبــرٍ مليـت تجريـــح=صـــدري لطعنـــات المــواليف غابــه ..

ما أدري ويـش اللي في كلامـــك خنقنـــــي=كنـك بكل حبــال صــــــــــــوتي تعلقــت ..
كتمــت صــــوتي لين صمـــتي نطقنــــــــي=وعتمــت شــــوفي ليـن بالقلــب بــرقــت ..
في حــزنــي اللي لو ملكتــه عتقنــــــــــي=وفي طبعــي اللي لو فشلتــه تفـوقــــت ..
أنــا كــــــــــــذا من يــوم ربي خلقنــــــي=ما أعــرف أوســـع خاطــري لا تضـايقت ..

" تخيـــل " يوم عانقنـــي خيالك خاطـري وشقــال=تخيـــل " قبـل أســولف لــه نشــدني عنك وجــداني ..
نشــــــدني ليـن خــــلاني مدينــة هــزهــا زلــزال=تخيـــل " مـا هـــدأ حتــى لقــاك بوســط شــريانــي ..

أصبر ياقــلــبي وأنتــظر خل الحزن مكتوم=كل المــعـاني تــغــيرت واتضحت الصورهـ
صار الصدق في هالزمن مثل الوفا معدوم=ونفــوســنا تــجــرحت والفرحه مكسـورهـ
كل الــمبادئ تنــشرى واللي معاه يسوم=حتى المــشاعر ارخـصـت والكلمة مهدورهـ

ماني من اللي يرخص النفس لاضاق=ولاني من اللي يرخص اليوم غالي
سبحان ربي كمل النفس باخلاق=الطيب عمي ومصدر الجود خالي
واللي يبيني يمه الروح تنساق=واللي سلاني عنه القلب سالي

مو كافي لطمني الموج في بحرهـ =مو كافي غدرني الوقت والغرام
حتى القمر لوغاب تبكيه نجمه=وانت ولا دمعه هلت يا حرام

ابسألك لالقيت الوقت ضدي=والمسافه تشتكي من بعد همي
والوله زاد ما يحتمل كثر البعاد=والحقيقه اقرب لعيني من خدي
ابسألك يا صاحبي وش هي الحلول=لا لقيت الالم فيني يطول
لا سمعت الهم يحكي يقول=ان الالم ماله (( حلول))

مـاهـو بكيفي أعلن الحـــــــــــرب ويـــــاك=لوقــال عقلــي قــام قلبـي يصــــــــدهـ ..
والله أحبــــك صـــدق وش فيــك وش جـــاك=أبغــي محبــه بس من غيــر شـــــــــدهـ ..
ولاجــاك غيــري لاتحبــــــــــه اليـا جــــاك=تكفــى طلبتـك إلعن أبـو جــد جــــدهـ ..

عز الله القلب في حبكم صاب=ما راح للي في المحبه يذله
إن قلت ما أغليك فأنا اليوم كذاب=القلب لا شاف رقمك تغير محله
لو على مدحك ترى بخلص كتاب=وكل من عذلني فيك عسى ربي يعله

أجمل زمن في ظل حبك قضيته=وأحلى قصيده قلتها فيك ولهان
والعين تهوى كل درب مشيته=والرجل تاطى لك شعوب وأوطان
حبك هو اللي فالحياة أرتجيته=وعرفت في قربك معنى غلا إنسان