الاخ الوسن اولاً الله يعطيك العافيه على الجهد المبذول (ماقصرت )
والشاعر فلاح ابن حمدان شاعر معروف وله مكانته بين الشعراء
اما بخصوص القصيده فهي للشاعر المرحوم باذن الله
راجح ابن مليح الحميداني وله قصه والشاعر فلاح هو من يرويها بنفسه وينسبها الى راجح ابن مليح
القصه باختصار
كان هناك رجل من قبيلة عتيبه قبيله غني عن التعريف قتل الرجل ابن عم له وكان يلاحق من اخ المقتول واسمه براك لجى الى احد البيوت لااعلم من اي القبائل وامتنع عن ادخاله لكون طليبه ابن عمه خليصه
وذهب الى قبيلة الحمادين ودخل على اميرهم راجح ابن مليح وامتنع عندهم واقامو له بيت شعر كانو الباديه يضعونه سابقاً للدخيل او الاسير ويقيمون عليه حراسه
ابلغهم العتيبي بان طليبه او غريمه هو ابن عمه واسمه براك وانه سيأتي لامحاله يعرف مدى شجاعة ابن عمه
وقال اذا جاء بالله لاتذبحونه من حبه الشديد لابن عمه0
ذات ليله مليئه باغبار (العجاج ) والمطر
واذا بالحارس يرى الرجل يقترب من البيت وهو يحاول الدخول اليه ولما شاف الحرس هرب ورموه الحرس وكسر ت رحد ارجله واحضروه الى الدخيل وقال لهم هذا براك ابن عمي
وجلس مع ابن عمه في بيته المقام لحراسته لمده لاتقل عن الشهر وكان ابن عمه هو من يقوم بنظافته واكله وشربه والاهتمام به اما بقية النزل فاقامو دوريه ذبائح لاجل المكسور حتى شفي وتصالح مع ابن عمه
هذا ما احببت ان اوضحه لاجل لاتلتبس الامور
مطلع القصيده للشاعر راجح
وراك يابراك يوم اتهوز وجهنا = والوجه دونه مرهفات صقايل
ا ناشـدن عنا إلــيك اخـــــــــبارنا =كان أنت عن فعل الحمادين سايل
حنا حمـادينن شهــيرن ذكــــــــرنا =نحمد إليا عـدت فـروع القــبايــــل
سمينا الدويله يوم مافيناا لـــردي =تضرب بنا فرسان نجد المـثايـــل
وسمينا الدلاقه يوم بالحرب نندلق =إليا تعلــينا المـهار الاصـايـــــــل
يشهد لنا التاريخ والسيف والقـنا =ويقطعك ياهـرجن بـليا دلايـــــــل
وان صاح صياح الضحى وازعج الملا =وثار الدخن من ثاقبات الفتـايـــل
وقال الدويله وين عشاقت البــني =ياعاشقين معكرشات الـجدايـــل
قمنا نبيع الروح في باخس الثمن =في ساعتن مثل ادراج المحايــل
نرمي العشا للطير والذيب والثعل =مكشوف ما تبنى عليه الـنثايـــل
وكم سهلتن بالقيض يزمي سرابها =نسـجها ما في قربــنا بـلايـــــــل
ياما قطعناها على شمخ الـــــذرى =وياما عزلــنا دقــها والجـلايــــل
وقصـيرنا على البطى ما يمـــــلنا =لابد نجزي سيــته بالجـمايـــــــل
نحـطه القــادم على كل قـالــــــــه =وان راح ما يعـتاض فـينا بدايـــل
وخويـنا لــو كـاد حمله نشـيلـــــه =ضارين في شيل الحمول الثقايـل
خشــيرنا وشويـرنا في رايــــــــنا =ومشيول لو هو من حساب النقايل
هذي فعايلنا على اللين والقســى =ما ننـحرف عنها لـو الشـد مايــــل
هذي طرات الروح ياطالب الـعلا =والا تـرى الدنـيا كما الفـي زايـــل
يـامـا نصوبـها ويـامـا تصيــــــبنا =ويـامـا لبسـنا من جـديد وسمايــل
يا سامعين القاف صلوا على النبي =عـداد مـا هـلت ركـون المـخايـــل
لك شكري وتقديري
