قصيده محزنه شاعر يرثي ابنه

بندر ابن مبرد · #1 24-Jul-2005, 03:37 AM

مرثيت عبدالله السياري في ابنه

الحقيقه القصيده محزنه فرضت علينا النشر من جودتها ومن قوتها ونبيكم تدعون له ولموتى المسلمين بالجنه الله يغفر للجميع ويقول السياري في مرثيته

متى مالعباير ضيقت صدري المشحون=ونوت عيني الحرّى تنثر عبايرها
ركبت المصفحّ مبعد الهقوة المامون =وتنزحت بعيونٍ على الصبر عاسرها
تنحرت لي رجمٍ على الوادي المصيون=تعليت به والعين جابت ذخايرها
على فقد{خالد}ونتي ونة المطعون= تكض العيون الدمع والحزن حاشرها
انا اظني احيا مابقالي وانا محزون=من الصدمه اللي رب الأرباب خابرها
إليا شفت ساره تدّرج بينهم بالهون=تعثر وتنهض وأقشر الحظ عاثرها
تنادي ببابا مادرت ذخرها مدفون=تعلّق بمن شافت وتنتخي عشايرها
تنحيت عنهم وأسبلت عيني المحزون=اطمّن وألد بناظري لا يناظرها
واليا خف حزني صحت ياربعنا تكفون=على الكبد حطوّها تطفي سعايرها
هلا مرحبا ياكل عمري ونون النون=ضنا من خياله شايفه في نواظرها
انا اشم ريحه فيك لو قيل مجنون= عيون الخلي لو نامت الليل عاذرها

ملاحظه القصيده منقوله من مجلة الوجد

وتحاتي للأخ رئيس مجلس الإدارة

الأخ فايز بن نايف بن دمخ

مشعل الشوق · #2 24-Jul-2005, 03:42 AM

بارك الله فيك اخوي بندر

وتسلم على هذا النقل الجميل

فعلا القصيدة حزينة ,, وكان الله بعونة وصبرة على همة

تحياتي لك يالغالي

ابونادر · #3 24-Jul-2005, 03:59 AM

مرحبا فيك يارعي البل الظاهر تاتضبع بعد دخولك للنت

بندرفلاح

تسلم على النقل عافاك الله

والقصيدة طال عمرك للسياري صح ولكن ليس في ابنه

القصيدة في ابن صديقة الذي يعتبره مثل اخوه المرحوم الشاعر/ عبدالله السلوم

واحرص على الذود تراء ابوبدرتاكله عليك

تحاااااااااااااااااتي

لي الفخر · #4 24-Jul-2005, 09:39 AM

ناوي لنـــــــــــا نيــــــــــــه أبووووووفلاح ,, الظاهر يبيــــــــنا ندقـــــــها خنيــــــــــــنيه , شكله طفشان ويبي يبكينا معه على العموم يعطيك العااااااااااااااااااااااااافيه يارعي البل ,,,,

بندر ابن مبرد · #5 24-Jul-2005, 01:33 PM

هلا والله ابو نادر

وشلونك طال عمرك

شكرآ على المرور ولالك لوا القصيده اعرفها قبل لقراها من المجله وقصتها ان خالد بعد ماتزوج بثلاث اشهور اثث

له بيت بجنب اهله والولد معه صمام بالقلب شكله تعب من الشيل والتنزيل وحس انه مو مطول قال لمرته يامره

روحي نادي امي وابوي لمآ جوه قالو وش فيك قال انا احس بشي شكل خلصت من الدنيا

قال اسمعوني وصاهم وصايا كثيره منها قال المره حامل إذا جابت ولد سموه على جدي محمد إذا بنت سموها

على امي ساره وكبرت ساره وكل واحد تشوفه تقول بابا تأثر السياري وهاضت قريحته

انا متأكد ميه بالميه يابونادر واعرفهم زين ولي علاقه معهم لاكن الي مستغربه وشلون اخذت لمعلومه غلط

تحياتي لك ياشاعرنا وارجو منك التأكد من الموضوع

ابونادر · #6 25-Jul-2005, 02:01 AM

بندر فلاح

ابشرك انا بخير بارك الله فيك

يجوز اني غلطان لان للسياري قصيدة في ابن عبدالله السلوم قريبة من هذه القصيدة

ومدام انك متاكد أنت ابخص يالخال طال عمرك وانا اسف ولاتستغرب ولا شي.

بلغ سلامي للواد ولك تحياتي

بندر ابن مبرد · #7 25-Jul-2005, 07:18 PM

هلا والله ابو نادر هلا بالبناخي

شكرآ على المرور

انا شككت بالموضوع ودقيت البارح على الشاعر فهد محمد السياري

اخو عبدالله وقال نفس الكلام الي نقلته

ولك حياتي يابو نادر

سلايل كحيلان · #8 26-Jul-2005, 05:39 AM

فعـلاً قصيــدة معبـرة ومحـزنـة أخــوي إبن مبــرد لأنه فعلاً مثل مايقـولـون الضنـا غــالي

صـح لسـان السيــاري وعظـم الله أجـره وتسـلم يمينـك على النقـل الجميــل ولك تحيــاتي ،،،،،،،،

بندر ابن مبرد · #9 27-Jul-2005, 03:30 AM

شكرآ للجميع على المرور

ولكم اجمل تحيه

اخوكم بنــــــــــــــــــــدر

مكسرات رومنسى · #10 27-Jul-2005, 04:04 AM

بسم الله الرحمن الرحيم

الله يرحمه وموتاء المسلمين اجمعين

ويعطيك الف عااااااااااااااااااافيه على انقل

وتحياتى لكم

العقيلي · #11 29-Jul-2005, 01:17 AM

اخي بندر المبرد

فعلآ قصيده حزينه

الله يرحم اموات المسلمين

واشكرك على الاختيار الجميل

بندر ابن مبرد · #12 02-Aug-2005, 07:28 AM

مكسرات رومنسى

مشكور على المرور

تحياتي لك

اخوكم بندر

ابن نمش · #13 04-Aug-2005, 12:20 AM

قصيده رائعه

وقويه في كلماتها

كل الشكر لك اخوي بندر

غريب الدار · #14 13-Aug-2005, 09:46 PM

بندر فلاح اشكرك على اهتمامك وجهدك مع بقيه الاخوان
صح لسان السياري ورحم الله ابنه وجميع موتى ىالمسلمين

كما اشكرابو نادر على تعقيبه (((شايبنا))) الله يسلمه
اكرر الشكر للجميع
دمتم بخير

&طير حوران& · #15 14-Aug-2005, 09:36 AM

السلام عليكم ورحمة الله وبركاته

الله يعطيك العافيه أخوي بندر على النقل الجيد

والقصيده صراحتن محزنه والله يكون في عونه

والسلام عليكم ورحمة الله وبركاته