أمعنت بالقاف وجيت اتبعة في قافي = لاشك بعض القوافي مانباريها
من راس برق الوسم ابيات له سافي = تذري ثراها وتعمي من يجاريها
يابرق خل الحرير لوقت الأصيافي = والبرد لاجاك انا لك من ذراويها
الناس أجناس ودوك احلب من الصافي = وبعض العلوم أنتبة راسك توطيها
لا شفت بعض العرب أموره إسخافي = لا تتبع القال بالقالة وتبديها
ترى اكرم الناس عند المقدرة عافي = والنذل دايم علومة مبتلش فيها
خلك سنافي كما عهدتك سنافي = للهرج حاضر وخلك فوق ماضيها
كلاً متابع وماشيءٍ حصل خافي = والمشكلة تضغط الأنتر ويخفيها
أخي القدير / برق الوسم
ارجو أن أكون وفقت في مجاراتي وأن أكون وصلت الى ما بين السطور
عااطر مودتي
