أشهد اني شفت بالمنتدى شـي غريـب
واشهد ان احلامي الماضيه كانت سراب

ياعجـب يامجتمـع منتدانـا ياعجيـب
والغريب انه سؤال يـدور لـه جـواب

ماكتب لي في حياتي معه حظ ونصيـب
واصبحت الامال والحلم من فوق السحاب

التعامل والتفاهم مـع الجاهـل صعيـب
وان نصحت الجاهل يقول اغلق كل بـاب

والله يالجاهل كلام القفاء عـارٍ وعيـب
ويش تبغي في قفاء الناس تحكي بالكذاب

اه يادنياي شيبـت مـن قبـل المشيـب
شاب قلبي وشاب راسي وانا توي شباب

الجهل موجـود بالمنتـدى ليتـه يغيـب
ليت بعض الناس لاراح واللا غاب غاب

منتدانـا يفتخـر بالمعلـم والطبـيـب
والمهنـدس والمثقـف ورواد الكـتـاب

منتدانا مثل طير السعـد خيـره قريـب
منتدانـا للثقافـه والاشـعـار والاداب

مانبي الجاهل ولا صاحبه ولا الشريـب
مانبي الا من يحب النصائـح والعتـاب

مانبي الا رجل وافـي وهـدافٍ يصيـب
يقنص الحكمه وقوله ليا ما قال صـاب

لو نصحت الجاهل يسبني كنـي حريـب
مادرى اني ناصح له وقلبي به مصـاب

اتمنى كل من سمـع صوتـي يستجيـب
احسن النيه ليامـا دعيـت وتستجـاب

احسن النيه تكون انت غالـي يالحبيـب
بعض الاجواء غير صحي كتام مع ضباب

الرجاء بالله مـن يطلـب الله مايخيـب
والحقيقه واضحـه مايغطيهـا حجـاب

اذكـر ان الله معـك حاضـر ولايغيـب
واذكر ان العبد مخلوق كله مـن تـراب

اشهد اني شفت بالمنتدى شـي غريـب
واشهد ان احلامي الماضيه كانت سراب