حنّ العليل وهـزّه الشـوق للولْـف=هزّ الهوا لغصون نبـت الشّفاشيـف
صيف وعليه من الجنوبي هواً صلْف=منها دقاق النّبـت عـوجٍ مهاديـف
متمكّن بالجوف جرح الهـوا كلْـف=سهرٍ بضيق وغمضة العين تخريف
من الوليف اللّي مشاكل هـواه ألْـف=مكتوبةٍ لالي ولالـه علـى الكيـف
على طريق الشّوق عكس الهوا خلْف=ولافي يدينـي للمقاديـر تصريـف
إلاّ الوفا ومعالـج اليـاس بالحلْـف=تجديد عهد أهل القلـوب المواليـف
لوكان هذا هو سبب حالـي التّلْـف=روحٍ نصوح ونوح معدوم توصيف
مقسوم ضرب سهوم بمزارق الشلْف=بين الخصوم الخوف من سلّة السيف

غربة وطن .. وإفراق ناسٍ عزيزين = وجهي شمال .. ودمعتي وسط عيني
ولولا الكفر .. خالفت درب المصلين = وصليت يم ديارهم .. ركعتيني