 يذكرون احباب قلبي ورا عرق النفود
بــسم الله الرحمن الرحيم
يذكرون احباب قلبي ورا عرق النفود
قدما قالو ثمانين كيلو من ارماح
ليــت عندي جيب لوهو من جيوب الزيود
المهم ان الدبل والتواير به ا صحاح
اركبه ويهون عندي جميع الي يكود
مابقلبي غير دار (ن) بها ظبي البـــــــراح
والله اني لاتعنى عشان العنـــــــود
لو بغت ترتاح رجلي ضميري ماستراح
وقتي الي راح ماضنتي ليه يعــود
مار يا الله با المقابيل واللي راح راح
مابغيت القول لاكن على القول محدود
الضرر خلا المحرم على المسلم مباح
وكثر الخلان لامسلمين ولايهــــــود
مايجيب افزوعهم لاصياح ولانيـــــاح
مقفي(ن)عني فزعهم وانا تقل مهجود
اتوجد واتنجد ولا حولي صبــــــــــاح
ياوجودي وجد ياالي تعرفون الوجود
وجد من كتف ابيده وهدد با السلاح
ويوم شفت الياس غيم نويت ارقا سنود
علمو مفلح ومفلح يبشر با الفلاح
********************************************
الشـــــــاعر/ صالح العــــــــوني
التعديل الأخير تم بواسطة ابو عمر ; 16-Jun-2005 الساعة 01:58 AM.
| 
