قصيدة الابن يرثي ابوه

ابـــوحـــــور · #1 22-Sep-2007, 07:22 AM

يابوي ليتك حيّ وتشوف حالي
تشوف وش هو صار من بعد فرقاك

صار الوطن بعدك من الناس خالي
صار... ( الوطن غربه ) بعد مافقدناك

يابوي أنا بعدّك سهير الليالي
مقهور من دنيّاي منّا.... ومنّاك !

حدتني الدنيا وأنا راس مالي
إني ... عزيز النفس . مثلك وشرواك

مافيه شيٍ في حياتي صفالي
حتى . الورود . إن جيتها صارت أشواك

أطيح واحمولي عليّه إثقالي
وأتخيلك مديت لي كف , يمناك

بعدّك ولامره ترى إرتاح بالي
أصفّق على كفي ندم وآتحراك

من ضيقتي ياكّم أصّدق خيالي
وأقوم أدوّر عنّك وآقول ب القاك

أضيع بالعالم وهمي سؤالي ؟
هو أنت ؟ وينك ؟ ليه ماعاد شفناك ؟

أدري لو إنك حي ياعز غالي
يمديك.. تفزع قبل.. ماجيك وانخاك !!

ويلاه , ياحالي وماهو جرالي
ويلاه , ياقلبٍ تعذب في طرياك

ويلاه , يابويّه من اول وتالي
لا...... والله.. أول.. كان.. ينجيني إدعاك

واليوم من بعدك وش اللي بقالي
غير إني أدعي ربي يغفر خطاياك

يالله حطّه وسط منزال عالي
في جنة الفردوس يارب الافلاك

واغفر ذنوبه ياعزيز الجلالي
وشرح لي صدرٍ ضاق من جّور دنياك ..

منقوووووول

برق الوسم · #2 22-Sep-2007, 07:46 AM

يالله حطّه وسط منزال عالي
في جنة الفردوس يارب الافلاك

واغفر ذنوبه ياعزيز الجلالي
وشرح لي صدرٍ ضاق من جّور دنياك ..

اخي الكريم علي القصيم

الله يرحم اموات المسلمين وصح لسان الشاعر وجزاه الله كل خير

على الوفاء لوالده بالرثى لاهنت ابداعك متنوع دائماااااااا لاهنت اخوووي

تقبل كل الووود برق الوســــــــــــــــــــــــــم

ابـــوحـــــور · #3 22-Sep-2007, 07:50 AM

مشكور اخوي برق الوسم على مرورك والله اما ارحم اموات المسلمين ونقهم من الذنوب والخطايا كما ينقا الثوب الابيض من الدنس الله اما اميييييييين يارب

اخوك على القصيم

بنت الحوااامد · #4 22-Sep-2007, 10:24 AM

واليوم من بعدك وش اللي بقالي
غير إني أدعي ربي يغفر خطاياك

يالله حطّه وسط منزال عالي
في جنة الفردوس يارب الافلاك

واغفر ذنوبه ياعزيز الجلالي
وشرح لي صدرٍ ضاق من جّور دنياك ..

اللهم آمييييييييييييييييييييين آجمعييييييييين
صح الله السان قايلهاا وناقلها النا ولاهنت
ويزاك الله خير وربيه يجزي قايلهاا كل خير
دنيا وآخره مشكور اخوي ونترقب الزود منك
ولك مني ارقى التحايا اختك بنت الحوااامد