ياسعود لا تقرا التصاريح وتعد = هات القلم والبوك والهرج سده
ياسعود انا لو بى ضما بارد العد = وأفكار شعري للغثا مستعده
لكن ترا بعض التروي كما السد = يقهر هدير السيل ويطخ حده
أرخ الحبل بيدين حاقد ومشتد = وليا ارتخا ياسعود عود وشده
خلك على خط الوسط وكسب الود = لنته مع التيار ولنته بضده
انا وشموخ النايفه مهرة الفد = الشايب اللي خافي الغرب كده
نعقد طليق عقد ونحلل عقد = نصعد سما وانضارنا مستمده
ماهمني من قال وش قال وش رد = لاصار مقياس الفكر مايعده
مثل السفيه اللي عما ويتهبد = في صفحة اكويت الوطن له اشده
تاحوله الفرصة وجاك امتسند = يكتب مقالاته على كيف وده
اكبر طموحه لو على رده أرد = بده يعجب الناس بده وبده
أحصاننا حذوه لنه لها قد = واحمارهم غلطان فى مد يده
يامحمد ابن الذيب معذور من جد = اثر الطحالب ضدنا مستهده
لاكن يابو راشد انا مثلك اصد = لاهوب ند لي ولاني بنده
انا كذا خلف الكواليس منشد = وليا اعترض بالدرب والله لمده
تدري بلاش انقول هد الرمي هد = هرج تشرف امن الحيا فيه بده
اللي نوانا بالعشا ليلة الغد = فيه انتغدا ما غربت شمس غده
واللي يشوف لفعلته قافنا عد = اصدورنا مضياف لحضور رده
ماني مدورها ولا جات تنلد = يعني كذا خصمي الده الده
ماني من اللي لانكوى حاله انهد = عزمى تهاتيه الوغى ما تهده
مثل البحر ماينقصه فايض المد = ومثل القدر صعب الاوادم ترده
ابحتزم مادامها ملعنة جد = ومن لحتزم للوقت ينداس خده

ياتافه الناس تبطي ماتجي قدي=لاكبرت السالفه دمعتك مذروفه
ماتعرف الهزل يالتافه من الجدي=ماتدري ان البلد بالليل محيوفه
خلك بعمياك مع هاته على ودي=والياقربت الخطر غنيت معزوفه

لابتي يـوم نادانـا فـلاح=مايسده عن الوقفـه عـذر
ياسلاليل مرويت الرمـاح=عبروها ولـو متـو فقـر
لاتصيرون بالمده شحـاح=قافن الادمي موت وقبـر
صوتو للمطيري بالنجـاح=خص لاصار له شان وقدر
قرب الوقت والمطبوخ فاح=مابها ياهل الـرده صبـر