عسى الخيال اللي مزونه مزابيـر
وبلـه علـى دار الصبـاح يتهامـا
دار لهـا قيمـه وشيمـه وتقديـر
من قدر أخو مريم عزيـز المقامـا
مرحوم يافرز الوغى جابر الخيـر
عليـك مـن دار السـلام السلامـا
وينبت على قبرك زهور ونواويـر
ويعطـره ريـح النفـل والخزامـا
حكمك عدل يا أمير والعدل يا أمير
شعبـك تحـت ظلـك بعـزّ يتنامـا
ياما على شانه بذلـت المخاسيـر
وياما علـى شانـه جفيـت المنامـا
وياما تعرضت لمصايب وتفجيـر
وأنجاك ربي مـن عيـال الحرامـا
ويوم الكويت إجتاحها الفجر خنزير
بالغدر ماهـو بالضفـر والحسامـا
حررتها بالعـزم والفكـر تحريـر
والدم والمـوت الحمـر والنشامـا
فالجو طياره وفـالأرض جنزيـر
لين إن طير النصر رفرف وحامـا
وعادت مثل ماكانت بدون تقصيـر
وإسمك سما والشعب بسمك تسامـا
واليوم يبكونك صفـوف وطوابيـر
لأنك لهـم والـد وحاكـم وإمامـا
ويبكن عليك المترفـات الغناديـر
وليـا بكنـك ماعليـهـن مـلامـا
يا أمير يامقدم زحـول المناعيـر
لا طار ستـر مرودعـات الوشامـا
حققت بالحكمه ملاحـم وأساطيـر
ويامـا تعديـت الأساطيـر يـامـا
يابواليتاما من رحيلك وش يصيـر
أكيـد كـل الشعـب عقبـك يتامـا
وإن مارثيتك عن بني عمي مطيـر
إني ماعاد أرثـي علـي الحرامـا
مرحوم يافرز الوغى جابر الخيـر
عليـك مـن دار السـلام السلامـا

__________________

مرحباااا الساع
ياهلا باخوي بو حسين صج الله السان
قايلهاااا وناقلهااا النا ولاهنت ياخوي
وربي يعطيك العافيه ويجعلك ممن يظله في
ظله اللهم آمين تقبل تواضع مروري اختك ام زايد

__________________

لاهنت اخوي علي القصيم

ورحم الله الشيخ جابر

تقبل تحياتي برق الوســـــــــــــم

__________________

رائد سعود المطيري

الله يرحم ابو مبارك

ويسكنه الجنه

مشكور علي

تقبل تحياتي

منابع الطيب

صج الله السان
الله يرحم ابو مبارك

ويسكنه الجنه

وربي يعطيك العافيه

__________________

اختي بنت الحوامد مشكوره على مرورج الكريم

__________________

اخوي برق الوسم مشكور على مرورك

تحياتي

__________________

اخواني منابع الطيب
وبن شرف مشكووووورين على مروركم

__________________

الله يرحمه0000000000000

ويرحم الجميع


ويعطيك العافيه

الله يعافيج ويرحم ابو مبارك

__________________