يا جر قلبـي جـر لـدن الغصونـي وغصون سدر جرهـا السيـل جـرا
وأهله مـن أول بالـورق يورقونـي علـى غديـر تحتـه الـمـا يـقـرا
علـى الـذي مشيـه تخطـا بهونـي وعصير مـن بيـن الفريقيـن مـرا
لا والله اللـي بالهـوى هوجـرونـي هجـر بهـا الحيـلات عيـت تسـرا
لا مبـعـد عنـهـم ولا قـربـونـي ولا عايـف منهـم ولانـي مــورا
وأكثر عذاب القلـب يـوم سنحونـي بيـح بصبـري لـو بغيـت اتــدرا
لا ضاق صدري قمت اباري الضعوني كنـي غريـب بالدلوهـة مـضـرا
وقلبي عليه اشفـق وتبكـي عيونـي والحـال مـن ود الحبـيـب تـبـرا
ياعزتـا لـي مـن تفـرق شطونـي يعزا لـي ارمـي بالسلـب واتعـرا
ان مـت فـي خـد بعيـد انقلونـي علـى هـدي الزمـل مشيـه تـدرا
ان مت فـي دافـي حشـاه ادفنونـي في مستكـن الـروح ماهـوب بـرا
بيـن النهـود وقـدّ روس القرونـي عـن الهبـايـب مستـكـن مــذرا
ياليتهـم بالـحـب مــا ولعـونـي كـان ابعـدوا عنـي بخيـر وشـرا
ولا انهـم يــوم انـهـم قربـونـي خلونـي اقضـي حاجتـي واتــدرا
أو ليتهم في الـدرب مـا واجهونـي ويـا ليتهـم مـا زادوا الحـر حـرا
ويا ليتهـم عـن حاجتـي سايلونـي يـوم انـي اقعـد عندهـم واتحـرا
الخـد بـرق فـي علـو المزونـي تقـول بـراق مـن الصيـف سـرا
وقفـت عنـده شابـحـات عيـونـي كـنـي غـريـر باللهاوي مـضـرا
و هذه القصيده للشاعر:
الشاعر دخيل الله بن مرضي الدجيما الثعلي العضياني الروقي العتيبي "رحمه الله"
من سكان قرية المحاني التي تبعد عن الظائف 150 كم تقريبا
و للمعلومية
هذه القصيدة أغنية في شريط محمد عبده كتبت على انها شعر فلكلور
وهضم حق الشاعر دخيل الله الدجيما فيها مع العلم ان هذه الايام لا احد يجهل مثل هذه القصائد0000

الاخ رومنسي
اولا ارحب بك فأهلاً وسهلاً بك
واقول لك
سلمت على مانقلت ورحم الله الدجيما شاعر له باعه بالشعر ومعروف
عنه قوة بيته الشعري ودقة وصفه
اشكرك مره اخرى وننتظر الجديد منك

__________________
سعد بن جدلان

من مواضيعه في الموقع على شكل عشوائي

0 الجريمة التي هزت العالم بكمله
0 هذا من الجزء الاول لشاعرنا ( سعد بن جدلان ) من القصايد الغزليه
0 قصيدة مؤثرة للشاعرة عابرة سبيل ( يرحمها الله )
0 قصائد شاعر المحاور محمد بن تويم الثبيتى (يرحمه الله)
0 واحد حاول يتحرش بوحده ومارضت تقول هذا بدوي

انا اول ما شفت الاعنوان حسبت القى قصايد لمحمد بن تويم
ولكن من عنده قصايد لهذا الشاعر لايبخل علينا

مرحبااا ملايييييييييين وان زدن عليهم لا باس
ياهلا باخوي مكسرات رومنسى
اول البادي ارحب بك وياااانه وياهلا مرحبااا بك
وصح الله السان قايلها وناقلهاا النا ولاهااااات منطوقك
واعتلى شانك بي عربانك وجعل ربي الجود عنوانك وقوى
الرحمن ايمانك ورفع مقامك والسموحه تحيرنا في الرد عليك
ولك مني ارقى التحايا اختك بنت الحوااامد

__________________

مرحبااا ملايييييييييين وان زدن عليهم لا باس
ياهلا باخوي مكسرات رومنسى
اول البادي ارحب بك وياااانه وياهلا مرحبااا بك
وصح الله السان قايلها وناقلهاا النا ولاهااااات منطوقك
واعتلى شانك بي عربانك وجعل ربي الجود عنوانك وقوى
الرحمن ايمانك ورفع مقامك والسموحه تحيرنا في الرد عليك
ولك مني ارقى التحايا اختك بنت الحوااامد

__________________

ياالله قديم تاريخ القصيده

سنة 2005

وتونا نرد والله من الكسل وكثر النوم